(54)
"Mercy was thyn advocate cheffe
that I for the tooke Flesche & bloode;
loue made the to me so leffe,
that I for the was Rente on Roode;
Line 426
I suffyrde dethe to chaunge þy greffe,
And In-to hell than doune I yeede;
I brought þe to preeffe to the blysse:
Man! I haue been thy frende full goode. [folio 151]
Line 430
(55)
"I be-gan poore, thé Ryche to make;
to make thé whyte, I was made Rede;
my sorowe, my syknes, made thé to slake,
My hunger booke the blysfull brede.
Line 434
I bonde my selffe, þy bondis I braake;
to gett thy lyffe, I suffyrd dede;
what shoulde I do more for thy saake?
to hele thy foote, hurt was my hede.
Line 438
(56)
"yff þou thynk I myght more do
for thy saake, saye, I am Redy
to dye A-yeen, yff neede were there-too:
Suche loue, man, to the haue I.
Line 442
I hyght the myrthe & Ioyës moo,
But þou Art thy moste Enemy,
for nought that I do but þou wylt so;
Man! make Amendis or thowe dye."
Line 446
(57)
(Man's Seventh Answer.)
"Lorde, whan I thynke on þy pouerte,
and how wylfull þou were and fayne; [[Lines 449 and 448 are transposed, and 450a repeated wrongly.]] —
to sle my syn, þou were slayne [[Lines 449 and 448 are transposed, and 450a repeated wrongly.]] —
to suffyr for me woundis smarte;
Line 450
And howe wylfull þou were and fayne;
Line 450a
harder than Iren is my harte
that hathe no pyte of thy payne!
Euer the kynder to me þou arte,
the more vnkynder I am A-gayne.
Line 454
