(50)
"I, man, was made to knowe my maker,
And to love hym ouer alle thyng;
And I, A wreche, was neuer maker
to cache kynde knowyng of my kynge; [folio 150b]
Line 394
to tryfyllis have I be tent-taker.
A songe for sorowe wele may I synge,
for hade I of syn be for-saker,
of cryst shoulde I have hade knowynge.
Line 398
(51)
"My gostely than blysefull off duste,
Curssyd covetyse hathe so blyndedyd me,
they been shotyn with ffleschely luste,
than hevenly thyngis may I noone see.
Line 402
But, lorde, thowȝe I have been on[i]est,
thorowe helpe of thy Benyngnyte
I hope to Rube A-waye the Ruste,
with penaunce, frome my gostely syhte.
Line 406
(52)
"And where that I haue A-fore this
My worledly synnys spente,
frome hens forwarde my purpose is
to lerne thy lawe to my lyvys ende.
Line 410
thy x comaundëmentis I-wys,
hem for to kepe I wyll me bende,
And there as I haue doone A-mys,
Mercy, Ihesu! I wyll Amende."
Line 414
(53)
(Christ's Seventh Complaint.)
"Man, my mercy, yf þou it mende,
I have the hit shewed in many wyse
Sythen the tyme that þou fyrst synned
Ayenst myne hest in paradyse.
Line 418
In hell preson when þou were pynyd
for doyng of the develys devyse,
owte of thy teene for to be tenyd,
Mercy and love þe holpe or this.
Line 422
