(27)
"Thowe stodyest affter more Araye,
And makest gret cost on clothyng,
to make the semely, as who shoulde saye
thowe cowdest Amend[e] thy makyng.
Line 212
thowe cannyst Dyght the Rychely day by day
to steere the peopull to synnyng,
thy wrechchyd wyll þou folowyst alle daye;
what ende syn hathe, thowe thenkyst nowght. [[The rhyme requires no thyng.]]
Line 216
(28)
"In noyes tyme, by-cause of synne—
for lechery In Especyall—
what vengeaunce cam þan to mankyn!
Save viij persowenys they were drowenyd alle.
Line 220
Of sodome and gomer the ought to meene,
howe I made fyre and brymston falle
frome heven on men that bade there-in;
for synne were distroyed boþe grete & smalle.
Line 224
(29)
"Man, wenyst thowe my myght be lesse
than hit was than, or ellis I
hathe nat as mychë wykkydnesse
As whan I smote so spiteousely?
Line 228
But yett I wyll thy fawtes Redresse,
thoowe I nowe sparë for my mercy;
Man, thenke vppon my Ryghtwysnes,
And make A-mendis or that þou dye."
Line 232
(30)
(Man's Third Answer.)
"I wott wele, lorde, þou Ryghtfull arte,
And þat synne mut be ponysshed need;
But o thyng holdythe hope in myn harte,
that mercye passithe my mysdede;
Line 236
I knowë wele I may nat with-starte, [folio 148b]
I have so doone, I ought to dreede.
With beaute and with bodyly quarte
to servë the I toke noone heede.
Line 240
