(23)
"I want wordis and Also wytte,
of thy kyndenes to carpe A clawse;
All that I haue, þou gave me hytt
Of thy goodenesse with-owten cause;
Line 180
thowe I have grevyd the, and do yeett,
thowe thy benefittis nought with-drawes;
I haue deserved to haue hell pytt,
So haue I levyd Ayenst thy lawes.
Line 184
(24)
"but, lorde, þou knowest mannys febullnes,
howe Frell he is, and haþe been aye,
for thowȝe the sowle have thy lyknesse,
Man is but lothesum eorthe and claye,
Line 188
In synne conseyued, and wrechchydnes,
And to the soule Rebell Alleweye.
furst A man growys As A gras,
And Afftyr-warde welkythe as flowre or hay
Line 192
(25)
"sithe man is than so frell A thyng,
And thy power so grete in kynde,
this worlde, man, aye twynkelynge
thowe maye distroye, noone may defende,
Line 196
with that god mercy wole meenge,
and to my soule gostely þou sende;
Sore me Repentythe my mys-levyng;
Mercy! lorde! I wole A-mende."
Line 200
(26)(Christ's Third Complaint.)
"Man, I sende the bodyly helthe [folio 148]
that thowe shouldyst spend hit in my servyce,
fayrenes and Also feturs fele:
But, man, what doste þou with all this?
Line 204
thowe doest the delytys of þe devyll;
thy delyte is to me to dispyse;
thowe levyst A lecherous lyfe one-lelle;
frome yere to yere þat lyst nat to A-Ryse.
Line 208
