(19)
"Mane! suche A loue to the I hade!
this worllde in vj dayes whan I wrought,
thau was the last thyng that I made
By-cause I woulde þou wantyd nought.
Line 148
what thyng the myght helpe or glade,
[2 lines wanting in MS. . . . .]
. . . . .
to thy be-hoffe alle forthe is brought.
Line 152
(20)
"More-ouer I yave the suffraunt[e]
that alle Bestis shoulde bowe þe vntyll;
I made the also lyke to me,
And yaffe the connyng [[MS. comyng]] of Fre wyll,
me to serve, that thowe myght see,
Line 157
god chese the goode, and leve the yll.
I ax no thyng Agayne of the
But be my [[MS. thy]] servaunt, as hit is skyll.
Line 160
(21)
"But vnto this, takys thowe no tent
thowe wyrchyst A-waye full onkyndely,
Aloone one-lefully that love is lent;
thy hart be-holdythe nat hevyn one hye,
Line 164
For alle the goodenesse I have the sente,
The lyst nat onys to saye gramercye. [folio 147b]
In tyme comyng lest þou Repent,
Man! make Amendis or þou dye."
Line 168
(22)(Man's Second Answer.)
A crysten soule conseyvyd with synne
Resceyvyd in consyence þis compleynt;
he fyll downe flatt with dulfull synne,
And seyd, "lorde, mercy, souerayne seynt!
Line 172
I, moste vnkynde wreche of mankynne,
I knowelege I am thy traytur atteynt;
this wykkyd lyffe that I lyve in,
I may hit nat frome þy knowyng glent:
Line 176
