(12)
"The devyll me tempttyd neuer but thrye,
But þou me temptyst frome day to daye
whythe cursyng affter vengeaunce to crye,
to styr my wrathe þou wylt assaye,
Line 92
thowe woledyst, and ony woulde me by,
Wele worsse than Iudas me be-traye; [folio 146b]
at my werke þou haste e[n]vye;
that wele ne woo is to þy paye.
Line 96
(13)
"And thowe me myghttyst, as I þe maye,
wele byttyrly thowe woldyst me bynde;
I for-yave, and þou seyest nay,
why arte thowe to þe frende onkynde?
Line 100
I have bought thy love full dere:
Onekynde! why for-sakis þou myne?
I yave the myn hart & bloode in Fere
Onkynde! why wolt þou nat yeve me þyne?
Line 104
(14)
"Thowe art on-kyndë homagere,
for with my Fo þou makest me fyne;
thowe servyst me with febull chere;
to hym thyn hart wolte fully enclyne.
Line 108
And I am lorde of blysse and pyne,
and alle thyng may I lousse & bynde,
Ayenst the wole I my yatis tynde
All whyle þou arte to þy frende onkynde.
Line 112
(15)
"Man! by-thenk the what þou Arte,
fro whens þou come, & wheder þou mone,
for thowȝe þou to-day be in hele & quarte,
to-morowe I may put þe A-doune.
Line 116
lett mylde mekenes melt in þyn hart,
that þou Rewe on my passyone,
with my woundis depe and smarte,
with crosse, naylys, spere, & crowne.
Line 120
