whan the soneday is I-come,
there is full Remyssyone,
And eche daye in the yere
Line 752
grete pardon þou myght have there:
Agrypa ded hit make
for sabillis & neptuno-is sake;
Modyrs they were of cursyd men, [folio 163]
Line 756
And false fendis folowed hem. [[really Mars and Jupiter],]
he yave hit name of pantheon;
In all Romë was syche noone;
A fygur they made of golde Reede,
Line 760
More than god they gan hit drede;
'Neptune' clepyd hit was I-wys;
to leve there-one they were nat wysse;
An hye on the tempyll hit satt,
Line 764
And lokyde forthe lyke A katt,
vppon the Rooffe in an holle
hit brent as hellë cole:
vppon his hed A covert of brasse;
Line 768
to seynt petyr blowen hit was
with A wynde of hell, I trowe,
for no man myght hit thedur throwe;
there standythe [hit,] I tell thee,
Line 772
by-fore the mynyster dor þou myght hit see;
the Rofe is opyn there he stoode;
there stondythe, and doþe no goode.
And the pope boneface
Line 776
was full-fyllyd with goddis grace;
In hym selffe he was dismayed
that mannys soule was so betrayed:
to the emperoure Iulius sone he came,
Line 780
that was forsoþe A wele goode man;
"that tempyll," he sayde, "graunt hit me, [[Phocas, A.D. 609.]]
I the praye for seynt charyte,
that men clepe pantheon, I leve,
Line 784
that mannys soule hit doþe greve."
he seyde, "take hit euery dele;
