Political, religious, and love poems. Some by Lydgate, Sir Richard Ros, Henry Baradoun, Wm. Huchen, etc. from the Archbishop of Canterbury's Lambeth Ms. no. 306, and other sources, with a fragment of The Romance of Peare of Provence and the fair Magnelone, and a sketch, with the prolog and epilog, of The Romance of the knight Amoryus and the Lady Cleopes,

Alya Cantica.

[Trin. Coll. Cambridge, B. 10. 12, leaf 55. Date of MS. about 1450.] [5 stanzas of eights, abab, abab.]

(1)

Ihesu, þi name honourde myȝt be with al þat any lyfe is in. Nou, swet ihesu, als þou made me, þou kepe me ay fro dedely synne! Line 4 Ihesu, þ^e sone of mary fre, þe ioy of heuen þou graunt me wynne; [folio 55b] My saule, ihesu, take I to þe when my body & it sal twynne. Line 8

(2)

Ihesu, þi name in me be sett als þou art kynnge & lorde of lyght, & graunt me grace ai bett & bett my lyfe to mende & lyf ay ryght. Line 12 Ihesu, þi sydes with blode war wett, & dulefully for me war dyght; þou kepe me oute of syne & dett, now, swete ihesu, ay moste of myght! Line 16

(3)

Ihesu, þi name is hegh to neuen, & ȝit I, katyfe, cry & kall, Ihesu, me helpe & brynge to heuen with þ^e to won my synful sall. Line 20 Myghty ihesu, þou here my steuen als þou me boght when I was thrall, & forgyfe me þ^e synnes seuen, for I am gilty in þaim all. Line 24

Line 24

(4)

Ihesu, my lufe & my lykynge, for euere more blyste mot þou be. Mi lufely lorde, my dere darlynge, ful wer me [fayne [Omitted in the MS.] ] myght I þe se. Line 28 Ihesu, my lorde, þou gar me synge a lufely kynge is comen to me; My swete swetnes of alkyn thynge, my hope & tryste is al in þe. Line 32

(5)

Ihesu, me helpe euere more at nede, & fro þ^e fende þou me defende; þou sett my saule in lufe & drede, & al my myse þat I may mende. Line 36 Ihesu, þi blude þat þou walde blede, fro þis fals lyfe or þat I wende þou wesche a way al my mysdede, & graunt me blyse with outen ende. Amen.