Page 1
The Twelve Letters that shall save Merry England.
(Ab. 1465.) [Lambeth MS. No. 306, fol. 134.]
(1)
[There is a space left for a large E, but only a little e is written, as a guide to the capital-maker.] ERLY in a sommeristide
y sawe in london, as y wente,
A gentilwoman of chepe-side
workinge on a vest[i]ment.
Line 4
(2)
She sette xij lett[e]rs on a Rowe,
And saide, if that y myght it vnderstond,
Thorough þe grace of god, ye schule it knowe,
This lettres xij schall save mery Englond.
Line 8
(3)
A litil while yf ye wille duelle,
And yeve avdenes vnto me,
what lettres they be y shall you telle,
they were drawe oute of þe .A.b.c.
Line 12
(4)
They were nether A. b. nor S., [? for C.]
Of any clarke y take wittnes,
Hit was R. w. And ij ees
F. M. Ȝ. [ȝ = y.] and S.
Line 16
(5)
Than stode y stille a litile Sesone,
And constred this lettres or y wente thens,
And Exspoundide theim after myn owne wesdone
After the forme of Experience.
Line 20