Political, religious, and love poems. Some by Lydgate, Sir Richard Ros, Henry Baradoun, Wm. Huchen, etc. from the Archbishop of Canterbury's Lambeth Ms. no. 306, and other sources, with a fragment of The Romance of Peare of Provence and the fair Magnelone, and a sketch, with the prolog and epilog, of The Romance of the knight Amoryus and the Lady Cleopes,

Kyng Edward the iiij^th.

(10 stanzas of 7 lines each, ababbcc.) [There is a Religious Poem of 6 stanzas next it in the MS., but as this would make a break in the Political Poems if put after Edward IV. here, it is printed on p. 289, below.]

(1)

¶ Wher is this Prynce that conquered his right Line 1 Within Ingland / master of all his foon, And after Fraunce, be very force & myght Without stroke / and afterward cam hoom, Line 4 Made Scotlond to yelde / and Berwyk wan he from, Rydyng a hontyng / hym silff to sporte & playe: All men of Englond ar bounde for hym to praye.

(2)

¶ This most dred prince / that was vnder the son, Line 8 Through all this wordle renewed was his name, The dowthiest, the worthiest, withouten comparison, Ther was noon siche / but ye reken the same Compassed the wordle / so spronge his name; Line 12 And as in batell, the ffresshest I shall say: All men of Englond ar bounde for hym to pray.

(3)

¶ Wher is he nowe, that man of noble men, Line 15 That, in his howsold, kepte the ryall rowte? Ther is no place in all the wordle I ken, but of the Substaunce he hath chosen owte. Hit was a wordle to se hym ride aboute Line 19 Through-out his land; And that was day be day: All men of Englond ar bounde for hym to pray.

(4)

¶ O noble Edward, wher art thowe be-come, Line 22 Which full worthy I haue seen goyng in estate? Edward the iiij^th I mene, with the sonne, The rose, the sonnë-beme / which was full fortunate: Noon erthly prince durst make with hym debate. Line 26 Art thowe agoo, and was here yestirday? All men of Englond ar bound for the to pray. Line 28

(5)

The well of Knyghthode, withouten any pere Line 29 Of all erthely prynces thowe were the lode-sterre! Be-holde & rede; herkyn well and hyre! In gestis, in romansis, in Cronicles nygh & ferre, Well knowen it is / þer can no man it deserre, Line 33 Pereless he was / and was here yestirday: All men of Englond ar bounde for hym to pray.

(6)

¶ Fy on this wordle! What may we wrecches say, [folio 3b] Line 36 That nowe haue lost the lanterne & the light, Oure kyng oure lorde, (alas and wele-a-wey!) In euery felde full redy for oure right, It was no nede / to pray hym for to fight; Line 40 Redy he was / that was here yestirday: All men of Englond ar bounde for hym to pray.

(7)

¶ Me thynkith euer this kyng sholde not be gon; Line 43 I see his lordis, I see his knyghtis all; I see his plasis made of lyme and ston; I see his seruauntes sittyng in the Hall, And, walkyng among them, his Marshall. Line 47 What sholde I say? He was here yestirday: All men of Englond ar bounde for hym to pray.

(8)

¶ I am be-giled / for He is past and goon; Line 50 I mette his men wepyng in clothis blake; Not oon nor tweyn: god wote, many oon, Which daily waylith & sorowith for his sake Hit to endite, hit makith my herte quake, Line 54 When I remembre he was here yestirday: All men of Englond ar bounde for hym to pray.

(9)

¶ Nowe pray we to god, that all this wordle hath wrought, Among his Aungelis / this prince may have a place; And for his passion that vs so dere hath bought, That, of his paynys he may haue his grace. Nowe, gracious lord, remembre well this case! Line 61 As wofull synners, we call to the, and say, That we of Englond ar bounde for hym to pray.

(10)

¶ Ye wofull men / that shall this writyng rede, Line 64 Remembre well here is no dwellyng place. Se howe this prince is from vs goon, and dede, And we shall, aftir hym, suë the trace: Ther is no choise /. ther is noon other grace; Line 68 This knowe ye well / he was here yestirday: All men of Englond ar bounde for hym to pray.

Explicit /