(20)
Bot, worthy lorde, to þe I cry,
& I in syne stande obstynate;
þarfore þou heres noȝt me forthy,
þou wil noȝt here me in þat state.
Line 156
þou gyfe me grace lefe my foly,
& fe[r]uently þe lufe & drede,
þan wate I wele I get mercy:
Ihesu, mercy for my myse dede!
Line 160
(21)
Noght euere-ilke man þat cales þe lorde
or mercy askes, sal hafe þi blise,
his consciencȝ bot he remorde,
& wirke þi wil, & mende his lyfe.
Line 164
to blyse sal I sone be restorede
if I my saule þusgates wil fede;
Of þi mercy late me recorde:
ihesu, mercy for my mysedede!
Line 168
(22)
I me betake to þi mercy
þat mercy gyffes to synful men;
þou kepe me, lorde, for I sal dye,
& wot neuere whore, ne how, ne when.
Line 172
In þi hote lufe me graunt to brene,
& þat lesson trewly to rede;
Mercy þou graunt! amen! amen!
Ihesu, mercy for my myse dede! Amen!
Line 176
