(7)
¶ This litel ditee / concludith in menyng, [folio 2]
Line 49
Who that cast hym / this rewlë for to kepe,
Not conforme hym / lyke in euery thyng
Wher he shal byde / vnto the felashipe:
Line 52
With wachmen, wake / with sloggy folkis, sleepe;
With woodmen, wood / with frentyk folk, saváge;
Renne with beestys / with wildë wormys creepe,
And like the audience / vtter thy languáge.
Line 56
(8)
¶ Mong allë thes / I counceyl yit take heed [Verba trans|latoris]
Wher thu abydest / or reste in any place:
In cheef, loue god / and with thy love ha dreed,
And be feerful / a-geyn hym to trespace:
Line 60
With vertuous men / encrecë shall thy grace;
And vicious folk / arn cause of gret damáge;
In euery Felaship / so for thy silf purcháce:
Wher vertu regnyth / thu vttir thy languáge.
Line 64
(9)
¶ Be paied with litel / content with suffisaunce;
Line 65
Clymbe nat to hih / thus biddith Socrates:
Glad pouert / is of tresowres most substaunce;
And Catoun seith / is noon so greet encres
Line 68
Off wordly tresoure / as for to live in pees,
Which, among vertues / hath the Vasselage,
I takë record / of Diogenees,
Which to Alisaundre / had this languáge:—
Line 72
(10)
¶ His paleys / was a litel poorë tonne, [folio 2b]
Line 73
Which, on a wheel / with hym he gan carye;
Bad this Emperour / ride out of his sonne,
Which dempt hym-sylf / richer than kyng Darye,
