And ask leif at the lord, yone landis suld leid,
That we myght entir in his toune,
For his hie renoune,
Line 50
To by vs vittale boune,
For money to meid."
V.
Schir Kay carpit to the king, courtes and cleir:
"Grant me, lord, on yone gait graithly to gay;
And I sall boid-word, but abaid, bring to you heir,
Line 55
Gif he be freik on the fold your freynd or your fay."
"Sen thi will is to wend, wy, now in weir,
Luke that wisly thow wirk, Criste were the fra wa!"
The berne bovnit to the burgh with ane blith cheir,
Fand the yettis vnclosit, and thrang in full thra.
Line 60
His hors he tyit to ane tre, treuly that tyde;
Syne hynt to ane hie hall
That wes astalit with pall;
Weill wroght wes the wall,
And payntit with pride.
Line 65
VI.
The sylour deir of the deise dayntely wes dent
With the doughtyest in thair dais dyntis couth dele;
Bright letteris of gold blith vnto blent,
Makand mencioune quha maist of manhede couth mele.
He saw nane levand leid vpone loft lent,
Line 70
Nouthir lord na lad, leif ye the lele.
The renk raikit in the saill, riale and gent,
That wondir wisly wes wroght with wourschip and wele.
The berne besely and bane blenkit hym about;
He saw throu ane entre
Line 75
Charcole in ane chymne;
Ane bright fyre couth he se
Birnand full stout.
