As to the wourschipfullest in warld, wourthy and wise,
Of al that ryngis in erd richest of rent,
Of pyth and of proues, peirles of prise.
Line 1290
Heir I mak yow ane grant, with gudly entent,
Ay to your presence to persew, with al my seruice;
Quhare euer ye found or fair, be firth or be fell,
I sal be reddy at your will,
In alkin resoune and skill,
Line 1295
As I am haldin thairtill,
Treuly to tell."
CI.
He did the conquerour to knaw all the cause quhy, [the conquer.]
That all his hathillis in that heir, hailly on hight;
How he wes wonnyn of wer with Wawane the wy,
Line 1300
And al the fortoune the freke befell in the fight;
The dout and the danger he tauld him quently.
Than said Arthur him seluin, semely by sight:
"This is ane soueranefull thing, be Ihesu! think I,
To leif in sic perell, and in sa grete plight;
Line 1305
Had ony preiudice apperit in the partyce,
It had bene grete perell;
Bot sen the lawte is lell,
That thow my kyndnes wil heill,
The mare is thi price.
Line 1310
CII.
"I thank the mekill, schir knight," said the ryall,
"It makis me blythar to be than all thi braid landis,
Or all the renttis fra thyne vnto Ronsiwall,
Thoght I myght reif thame with right, rath to my handis."
Than said the senyeour in syth, semely in saill:
Line 1315
"Because of yone bald berne, that broght me of bandis,
All that I haue wndir hewyne, I hald of you haill,
In firth, forest and fell, quhare euer that it standis.
