The date na langar may endure na Drightin deuinis.
Ilk man may kyth be his cure,
Baith knyght, king and empriour,
Line 1230
And muse in his myrrour,
And mater maist mine is.
XCVI.
"Hectour and Alexander, and Julius Cesar,
Dauid and Josue, and Judas the gent,
Sampsone and Salamon, that wise and wourthy war,
Line 1235
And that ryngis on erd, richest of rent;
Quhen thai met at the merk, than might thai na mair,
To speid thame our the spere-feild enspringing thai sprent;
Quhen fortune worthis vnfrende, than failieis welefair,
Thair ma na tresour ourtak nor twyn hir entent.
Line 1240
All erdly riches and ruse is noght in thair garde;
Quhat menis fortoune be skill,
Ane gude chance or ane ill,
Ilkane be werk and be will
Is worth his rewarde.
Line 1245
XCVII.
"Schir Hallolkis, schir Hewis, heynd and hardy,
Schir Lyonel lufly, and alse schir Bedwere,
Schir Wawane the wise knight, wicht and wourthy,
Carys furth to the king, cumly and clere;
Alse my self sall pase with yow reddy,
Line 1250
My kyth and my castel compt his conquere."
Thai war arait ful raith, that ryale cumpany,
Of lordis and ladis, lufsum to lere;
With grete lightis on loft, that gaif grete leime;
Sexty torcheis ful bright,
Line 1255
Before schir Gologras the knight;
That wes ane semely syght,
In ony riche reime.
