XCI.
"Heir ye ar gaderit in grosse, al the gretest
Of gomys that grip has, vndir my gouernyng,
Of baronis and burowis, of braid land the best,
Line 1170
And alse the meryest on mold has intrometting.
Cumly knightis, in this cace I mak you request,
Freyndfully, but falsset, or ony fenyeing,
That ye wald to me, treuly and traist,
Tell your entent, as tuiching this thing
Line 1175
That now hingis on my hart, sa haue I gude hele!
It tuichis myne honour sa neir,
Ye mak me plane ansueir;
Thairof I you requeir,
I may noght concele.
Line 1180
XCII.
"Say me ane chois, the tane of thir twa,
Quhethir ye like me lord, laught in the feild,
Or ellis my life at the lest lelely forga,
And boune yow to sum berne, that myght be your beild?"
The wourthy wyis at that word wox woundir wa,
Line 1185
Than thai wist thair souerane wes schent vnder scheild.
"We wil na fauour here fenye to frende nor to fa;
We like yow ay as our lord to were and to weild;
Your lordschip we may noght forga, alse lang as we leif;
Ye sal be our gouernour,
Line 1190
Quhil your dais may endure,
In eise and honour,
For chance that may cheif."
XCIII.
Quhen this auenand and honest had maid this ansuer,
And had tald thair entent trewly him till,
Line 1195
Than schir Gologras the gay, in gudly maneir,
