Baith war thai haldin of hartis heynd and hardy.
Gologras grew in greif at schir Gawane;
Line 925
On the hight of the hard steill he hyt hym in hy;
Pertly put with his pith at his pesane,
And fulyeit of the fyne maill ma than fyfty.
The knight stakrit with the straik, all stonayt in stound;
Sa woundir scharply he schair,
Line 930
The berne that the brand bair;
Schir Gawyne, with ane fell fair,
Can to his faa found.
LXXIII.
With ane bitand brand, burly and braid,
Quhilk oft in battale had bene his bute and his belde,
Line 935
He leit gird to the grome, with greif that he had,
And claif throw the cantell of the clene schelde.
Throw birny and breist-plait and bordour it baid;
The fulye of the fyne gold fell in the feild.
The rede blude with the rout folowit the blaid,
Line 940
For all the wedis, I wise, that the wy weild,
Throw claspis of clene gold, and clowis sa cleir.
Thair with schir Gologras the syre,
In mekill angir and ire,
Alse ferse as the fyre,
Line 945
Leit fle to his feir.
LXXIV.
Sic dintis he delt to that doughty,
Leit hym destanyt to danger and dreid;
Thus wes he handillit full hait, that hawtane, in hy,
The scheld in countir he kest our his cleir weid;
Line 950
Hewit on hard steill woundir haistely;
Gart beryallis hop of the hathill about hym on breid.
Than the king vnto Criste kest vp ane cry,
Said: "Lord, as thow life lent to levand in leid,
