Now wil I rekkin the renkis of the Round Tabill,
That has traistly thame tight to governe that gait;
Furth faris the folk, but fenyeing or fabill,
Line 745
That bemyt war be the lord, lufsum of lait:
Schir Cador of Cornwel, cumly and cleir,
Schir Owales, schir Iwell,
Schir Myreot, mighty emell;
Thir four, treuly to tell,
Line 750
Foundis in feir.
LIX.
Thair wes na trety of treux, trow ye full traist,
Quhen thai myghty can mach, on mold quhair thai met;
Thai brochit blonkis to thair sydis out of blude braist,
Thair lufly lancis thai loissit, and lightit but let;
Line 755
Sadillis thai temyt tyt, thir trew men and traist,
Braidit out brandis, on birnys thai bet;
As fyre that fleis fra the flynt, thay fechtin sa fast,
With vengeand wapnis of were throu wedis thai wet.
It war teirfull to tell treuly the tend
Line 760
Of thair strife sa strang,
The feght so fellely thai fang;
Thoght it lestit neuer so lang,
Yit laught it ane end.
LX.
Schir Oviles, schir Iwill, in handis war hynt,
Line 765
And to the lufly castell war led in ane lyng;
Thair with the stalwartis in stour can stotin and stynt,
And baith schir Agalus and schir Hew wes led to the kyng.
Than schir Golograse for greif his gray ene brynt,
Wod wraith as the wynd, his handis can wryng.
Line 770
Yit makis he mery, magry quhasa mynt;
Said: "I sal bargane abyde, and ane end bryng;
To morne, sickirly, my self sall seik to the feild."
