LVI.
Schir Lyonell schir Lowes laught has in hand,
And sesit is Sangwell with Giromalans the gude;
Schir Evin has schir Edmond laid on the land,
Line 715
Braithly bartynit with baill, bullerand in blude;
Schir Bedwar to schir Bantellas yaldis vp his brand,
In that stalwart stour thay styth men in stude.
Wes nane forssy on fold, that wes feghtand,
Wnmanglit and marrit, myghtles in mude;
Line 720
Wes nane sa proud of his part, that prisit quhen he yeid.
Bedwer and Lyonell
War led to the castell;
The cumly knight Sangwell
To Arthour thay led.
Line 725
LVII.
Schir Edmond loissit has his life, and laid is full law;
Schir Evin hurtis has hynt hidwise and sair;
Knightis caryis to the corse, wes cumly to knaw,
And had hym to the castell with mekill hard cair;
Thai did to that doughty as the dede aw.
Line 730
Wthir four of the folk foundis to the fair,
That wes dight to the dede, be the day can daw;
Than said bernys bald, brym as bair:
"We sal evin that is od, or end in the pane!"
Thai stuffit helmys in hy,
Line 735
Breist-plait and birny;
Thay renkis maid reddy
All geir that myght gane.
LVIII.
Schir Agalus, schir Ewmond, honest and habill,
Schir Mychin, schir Meligor, men of grete estait;
Line 740
Than stertis out ane sterne knyght, stalwart and stabill,
Ane berne that heght schir Hew, hardy and hait.
