Set segis for thair saullis to syng and to reid.
Than Gologrus graithit of his men in glisnand armour
Ane schir Louys the lele, ane lord of that leid;
Ane vthir heght Edmond, that prouit paramour;
The thrid heght schir Bantellas, the batal to leid;
Line 655
The ferd wes ane weryour worthy and wight,
His name wes schir Sanguel,
Cumly and cruel;
Thir four, treuly to tell,
Foundis to the feght.
Line 660
LII.
Schir Lyonel to schir Louys wes leuit, with ane lance;
Schir Ewin to shir Edmond, athir ful euin;
Schir Bedwar to schir Bantellas, to enschew his chance,
That baith war nemmyt in neid, nobil to neuin;
To schir Sangwel soght gude Gyromalance.
Line 665
Thus thai mellit and met with ane stout steuin,
Thir lufly ledis on the land, without legiance;
With seymely scheildis to schew, thai set vpone seuin,
Thir cumly knightis to kyth ane cruel course maid.
The frekis felloune in feir
Line 670
Wondir stoutly can steir,
With geir grundin ful cleir
Rudly thai raid.
LIII.
Than thair hors vith thair hochis sic harmis couth hint,
As trasit in vnquart quakand thai stand;
Line 675
The frekis freschly thai fure, as fyre out of flynt,
Thair lufly lancis thai loissit, and lichtit on the land;
Right styth, stuffit in steill, thai stotit na stynt,
Bot buskit to battaille with birny and brand.
Thair riche birnys thai bet derfly with dynt,
Line 680
Hewis doun in grete haist, hartly with hand.
