XLIX.
Thai lufly ledis belife lightit on the land,
And laught out suerdis, lufly and lang;
Thair stedis stakkerit in the stour, and stude stummerand,
Al to-stiffillit and stonayt, the strakis war sa strang!
Line 625
Athir berne braithly bet with ane bright brand;
On fute freschly thai frekis feghtin thai fang;
Thai hewit on hard steil, hartly with hand,
Quhil the spalis and the sparkis spedely out sprang.
Schir Rannald raught to the renk ane rout wes vnryde;
Line 630
Clenely in the collair,
Fifty mailyeis and mair
Euin of the schuldir he schair,
Ane wound that wes wyde.
L.
Thus thai faucht on fute, on the fair feild;
Line 635
The blude famyt thame fra, on feild quhare thai found;
All the bernys on the bent about that beheild,
For pure sorow of that sight thai sighit vnsound.
Schire teris schot fra schalkis, schene vndir scheild,
Quhen thai foundrit and [ane.] fel fey to the grund;
Line 640
Baith thair hartis can brist, braithly but beild,
Thair wes na staluart vnstonait, so sterne wes the stound!
Schir Rannaldis body wes broght to the bright tent;
Syne to the castel of stone
Thai had schir Regal of Rone;
Line 645
With mekil murnyng and mone
Away with him went.
LI.
Thus endit the auynantis with mekil honour;
Yit has men thame in mynd for thair manhede;
Thair bodeis wes beryit baith in ane hour,
Line 650
