Athir berne fra his blonk borne wes that tide.
Line 560
Thai ruschit vp rudly, quha sa right redis;
Out with suerdis thai swang fra thair schalk side;
Thair with wraithly thai wirk, thai wourthy in vedis,
Hewit on the hard steill, and hurt thame in the hide.
Sa wondir freschly thai frekis fruschit in feir,
Line 565
Throw all the harnes thai hade,
Baith birny and breist-plade,
Thairin wappynis couth wade,
Wit ye but weir.
XLV.
Thus thai faught vpone fold, with ane fel fair,
Line 570
Quhill athir berne in that breth bokit in blude;
Thus thai mellit on mold, ane myle way and maire,
Wraithly wroht, as thei war witlese and wode;
Baith thai segis forsuth, sadly and sair,
Thoght thai war astonait, in that stour stithly thai stude.
Line 575
The feght sa felly thai fang, with ane fresch fair,
Quhil Gaudifeir and Galiot baith to grund yhude.
Gaudifeir gat vp agane, throu Goddis grete mightis;
Abone him wichtely he wan,
With the craft that he can;
Line 580
Thai louit God and sanct An,
The king and his knightis.
XLVI.
Than wes Galiot the gome hynt in till ane hald;
Golagrus grew in greif, grymly in hart,
And callit schir Rigal of Rone, ane renk that wes bald.
Line 585
"Quhill this querrell be quyt, I cover neuer in quert.
With wailit wapnis of were, evin on yone wald,
On ane sterand steid, that sternly will stert,
I pray the, for my saik, that it be deir sald;
Was neuer sa vnsound set to my hert."
Line 590
