Thoght I suld fynd thame new notis for this ix yeir;
And in his avne presence
Heir sall I mak residence,
Bot he with force mak defence,
With strenth me to steir."
Line 505
XL.
"Quhat nedis," said Spinagrus, "sic notis to nevin,
Or ony termis be turnit, I tell you treuly?
For thair is segis in yone saill wil set vpone sevin,
Or thay be wrangit, I wis, I warne you ilk wy.
Nane hardiar of hertis vndir the hevin,
Line 510
Or thay be dantit with dreid, erar will thai de;
And thai with men vpone mold be machit full evin,
Thai salbe fundin right ferse, and full of cheualrie.
Schir, ye ar in your maieste, your mayne and your myght,
Yit within thir dais thre,
Line 515
The sicker suth sall ye se,
Quhat kin men that thai be,
And how thai dar fight."
XLI.
As the reuerend roy wes reknand vpone raw,
With the rout of the Round Tabill, that wes richest,
Line 520
The king crounit with gold, cumly to knaw,
With reuerend baronis and beirnis of the best,
He hard ane bugill blast brym and ane loud blaw,
As the seymly sone silit to the rest.
A gome gais to ane garet, glisnand to schaw, [Agane gais.]
Line 525
Turnit to ane hie toure, that tight wes full trest;
Ane helme of hard steill in hand has he hynt,
Ane scheld wroght all of weir,
Semyt wele vpone feir;
He grippit to ane grete speir,
Line 530
And furth his wais wynt.
