XXXV.
"Bot sauand my senyeoury fra subiectioun,
And my lordscip vn-lamyt, withoutin legiance,
All that I can to yone king, cumly with croun,
I sall preif all my pane to do hym plesance;
Baith with body and beild, bowsum and boun,
Line 445
Hym to mensk on mold, withoutin manance.
Bot nowthir for his senyeoury, nor for his summoun,
Na for dreid of na dede, na for na distance,
I will noght bow me ane bak for berne that is borne;
Quhill I may my wit wald,
Line 450
I think my fredome to hald,
As my eldaris of ald
Has done me beforne."
XXXVI.
Thai lufly ledis at that lord thair leuis has laught;
Bounit to the bauld king, and boidword him broght.
Line 455
Than thai schupe for to assege segis vnsaught,
Ay the manlyest on mold, that maist of myght moght.
Thair wes restling and reling, but rest that raught,
Mony sege our the sey to the cite socht;
Schipmen our the streme thai stithil full straught,
Line 460
With alkin wappyns, I wys, that wes for were wroght.
Thai bend bowis of bras braithly within;
Pellokis paisand to pase,
Gapand gunnys of brase,
Grundin ganyeis thair wase,
Line 465
That maid ful gret dyn.
XXXVII.
Thair wes blauing of bemys, braging and beir;
Bretynit doune braid wod, maid bewis full bair;
Wrightis welterand doune treis, wit ye but weir,
Ordanit hurdys ful hie in holtis sa haire,
Line 470
