Fair in armys to fang, of figure sa fre.
Syne thay sought to the chalmer, swiftly and swith,
Line 380
The gait to the grete lord semely to se,
And salust the souerane sone, in ane sith,
Courtesly inclinand, and kneland on kne.
Ane blithar wes neuer borne of bane nor of blude;
All thre in certane
Line 385
Salust the souerane,
And he inclynand agane,
Hatles, but hude.
XXXI.
Than schir Gawyne the gay, gude and gracius,
That euer wes beildit in blis, and bounte embrasit,
Line 390
Joly and gentill, and full cheuailrus,
That neuer poynt of his prise wes fundin defasit,
Egir and ertand, and ryght anterus,
Illuminat vith lawte, and with lufe lasit,
Melis of the message to schir Golagrus.
Line 395
Before the riale on raw the renk wes noght rasit;
With ane clene contenance, cumly to knaw,
Said: "our souerane Arthour
Gretis the with honour,
Has maid ws thre as mediatour,
Line 400
His message to schaw.
XXXII.
"He is the riallest roy, reuerend and rike,
Of all the rentaris to ryme or rekin on raw.
Thare is na leid on life of lordschip hym like,
Na nane sa doughty of deid, induring his daw.
Line 405
Mony burgh, mony bour, mony big bike,
Mony kynrik to his clame, cumly to knaw,
Maneris full menskfull, with mony deip dike;
Selcouth war the sevint part to say at saw. [at faw.]
