The king cumly in kith, couerit with croune,
Line 320
Callit knichtis sa kene,
Dukis douchty bedene:
"I rede we cast ws betuene,
How best is to done."
XXVI.
Than spak ane vight weriour, wourthy and wise:
Line 325
"I rede ane sayndis-man ye send to yone senyeour,
Of the proudest in pall, and haldin of prise,
Wise, vailyeing, and moist of valour.
Gif yone douchty in deid wil do your deuise,
Be boune at your bidding in burgh and in bour,
Line 330
Ressaue him reuerendly, as resoun in lyis;
. . . . .
And gif he nykis you with nay, yow worthis on neid
For to assege yone castel
With cant men and cruel,
Durandly for to duel
Line 335
Euer quhill ye speid."
XXVII.
Than shir Gauane the gay, grete of degre,
And shir Lancelot de Lake, without lesing,
And auenand schir Ewin, thai ordanit that thre
To the schore chiftane, chargit fra the kyng.
Line 340
Spynagros than spekis, said: "lordingis in le,
I rede ye tent treuly to my teching;
For I knaw yone bauld berne better than ye,
His land, and his lordschip, and his leuing.
And ye ar thre in this thede, thriuand oft in thrang;
Line 345
War al your strenthis in ane,
In his grippis and ye gane,
He wald ourcum yow ilkane;
Yone sterne is sa strang.
