That welteris doun with the wynd, sa wauerand it is.
Line 290
. . . . .
Your mycht and your maieste mesure but mys."
"In faith," said the cumly king, "trou ye full traist, [throu.]
My hecht sall haldin be, for baill or for blis.
Sall neuer my likame be laid vnlaissit to sleip,
Quhill I haue gart yone berne bow,
Line 295
As I haue maid myne auow,
Or ellis mony wedou
Ful wraithly sal weip."
XXIV.
Thair wes na man that durst mel to the king,
Quhan thai saw that mighty sa mouit in his mude. [Quhy . . . mynde.]
Line 300
The roy rial raid withoutin resting,
And socht to the ciete of Criste, our the salt flude.
With mekil honour in erd he maid his offering,
Syne buskit hame the samyne way that he before yude.
Thayr wes na spurris to spair, spedely thai spring;
Line 305
Thai brochit blonkis to thair sidis brist of rede blude.
Thus the roy and his rout restles thai raid
Ithandly ilk day,
Our the montains gay, [pay. Cf. 233.]
To Rome tuke the reddy way,
Line 310
Withoutin mare abaid.
XXV.
Thai plantit doun ane pailyeoun, vpone ane plane lee,
Of pall and of pillour that proudly wes picht,
With rapis of rede gold, riale to see,
And grete ensenyes of the samyne, semly by sicht;
Line 315
Bordouris about, that bricht war of ble,
Betin with brint gold, burely and bricht;
Frenyeis of fyne silk, fretit ful fre
With deir dyamonthis bedene, that dayntely wes dicht.
