Thus iournait gentilly thyr cheualrouse knichtis,
Line 230
Ithandly ilk day,
Throu mony fer contray,
Our the mountains gay, [pay. Cf. 309.]
Holtis and hillis.
XIX.
Thai passit in thare pilgramage, the proudest in pall,
Line 235
The prince provit in prese, that prise wes and deir;
Syne war thai war of ane wane, wrocht with ane wal,
Reirdit on ane riche roche, beside ane riveir,
With doubill dykis be-dene drawin our all;
Micht nane thame note with invy, nor nygh thame to neir. [nor nyt.]
The land wes likand in large and lufsum to call;
Line 241
Propir schene schane the son, seymly and seir.
The king stude vesiand the wall, maist vailyeand to se:
On that river he saw
Cumly towris to knaw;
Line 245
The roy rekinnit on raw
Thretty and thre.
XX.
Apone that riche river, randonit full evin,
The side-wallis war set, sad to the see;
Scippis saland thame by, sexty and sevyn,
Line 250
To send, quhen thame self list, in seir cuntre,
That al thai that ar wrocht vndir the hie hevin
Micht nocht warne thame at wil to ische nor entre.
Than carpit the cumly king, with ane lowd stevin:
"Yone is the seymliast sicht that euer couth I se.
Line 255
Gif thair be ony keyne knycht that can tell it,
Quha is lord of yone land,
Lusty and likand,
Or quham of is he haldand,
Fayne wald I wit."
Line 260
