Baith with birny and brand to strenth you ful stright,
Weill stuffit in steill, on thair stout stedis."
Line 200
Than said king Arthur hym self, seymly be sight:
"Sic frendschip I hald fair, that forssis thair dedis;
Thi kyndnes salbe quyt, as I am trew knight."
Than thay buskit to the bynke, beirnis of the best;
The king crovnit with gold,
Line 205
Dukis deir to behold,
Allyns the banrent bold
Gladit his gest.
XVII.
Thair myght seruice be sene, with segis in saill,
Thoght all selcought war soght fra the son to the see;
Line 210
Wynis went within that wane, maist wourthy to vaill,
In coupis of cleir gold, brichtest of blee.
It war full teir for to tell treuly in taill
The seir courssis that war set in that semblee.
The meriest war menskit on mete, at the maill,
Line 215
With menstralis myrthfully makand thame glee.
Thus thay solaist thame selvin, suthly to say,
Al thay four days to end;
The king thankit the heynd,
Syne tuke his leve for to wend,
Line 220
And went on his way.
XVIII.
Thus refreschit he his folk in grete fusioun,
With outin wanting in waill, wastell or wyne.
Thai turssit vp tentis and turnit of toun,
The roy with his Round Tabill, richest of ryne.
Line 225
Thay drive on the da deir be dalis and doun,
And of the nobillest be-name, noumerit of nyne.
Quhen it drew to the dirk nycht, and the day yeid doun,
Thai plantit doun pauillonis, proudly fra thine.
