XIV.
Schir Gavyne gettis his leif, and grathis to his steid,
Line 170
And broght to the bauld king boidword of blis:
"Weill gretis yow, lord, yone lusty in leid,
And says hym likis in land your langour to lis;
All the wyis and welth he weildis in theid [wyis in welth. Cf. 188.]
Sall halely be at your will, all that is his."
Line 175
Than he merkit with myrth our ane grene meid,
With all the best, to the burgh, of lordis, I wis.
The knight kepit the king, cumly and cleir;
With lordis and ladyis of estate,
Met hym furth on the gate,
Line 180
Syne tuke him in at yate
With ane blith cheir.
XV.
He had that heynd to ane hall, hiely on hight,
With dukis and digne lordis, doughty in deid.
"Ye ar welcum, cumly king," said the kene knyght,
Line 185
"Ay, quhil you likis and list, to luge in this leid.
Heir I mak yow of myne maister of myght,
Of all the wyis and welth I weild in this steid.
Thair is na ridand roy, be resoun and right,
Sa deir welcum this day, doutles but dreid.
Line 190
I am your cousing of kyn, I mak to yow knawin;
This kyth and this castell,
Firth, forest and fell,
Ay, quhill yow likis to duell,
Ressaue as your awin.
Line 195
XVI.
"I may refresch yow with folk, to feght gif you nedis,
With thretty thousand tald, and traistfully tight,
Of wise, wourthy and wight, in thair were wedis,
