That he might cum this toun till,
Line 140
To by vittale at will,
Alse deir as segis will sell,
Payand the price."
XII.
Than said the syre of the saill and the souerane:
"I will na vittale be sauld your senyeour vntill."
Line 145
"That is at your avne will," said wourthy Gawane;
"To mak you lord of your avne, me think it grete skill."
Than right gudly that grome ansuerit agane:
"Quhy I tell the this taill, tak tent now thair till:
Pase on thi purpos furth to the plane;
Line 150
For all the wyis I weild ar at his avne will
How to luge and to leynd, and in my land lent;
Gif I sauld hym his awin,
It war wrang to be knawin;
Than war I wourthy to be drawin
Line 155
Baldly on bent.
XIII.
"Thare come ane laithles leid air to this place,
With ane girdill ourgilt, and vthir light gere;
It kythit be his cognisance ane knight that he wes,
Bot he wes ladlike of laitis, and light of his fere.
Line 160
The verray cause of his come I knew noght the cace,
Bot wondirly wraithly he wroght, and all as of were. [wraighly.]
Yit wait I noght quhat he is, be Goddis grete grace!
Bot gif it happin that he be ane knyght of youris here,
Has done my lord to displeise, that I hym said ryght,
Line 165
And his presence plane,
I say yow in certane,
He salbe set agane,
As I am trew knight!"
