VII.
Ane duergh braydit about, besily and bane,
Small birdis on broche be ane bright fyre.
Line 80
Schir Kay ruschit to the roist, and reft fra the swane,
Lightly claught, throu lust, the lym fra the lyre;
To feid hym of that fyne fude the freik wes full fane;
Than dynnyt the duergh, in angir and yre,
With raris, quhil the rude hall reirdit agane.
Line 85
With that come girdand in greif ane woundir grym sire;
With stout contenance and sture he stude thame beforne,
With vesage lufly and lang,
Body stalwart and strang;
That sege wald sit with none wrang
Line 90
Of berne that wes borne.
VIII.
The knyght carpit to schir Kay, cruel and kene:
"Me think thow fedis the vnfair, freik, be my fay!
Suppose thi birny be bright, as bachiler suld ben,
Yhit ar thi latis vnlufsum and ladlike, I lay.
Line 95
Quhy has thow marrit my man, with maistri to mene?
Bot thow mend hym that mys, be Mary, mylde may,
Thow sall rew in thi ruse, with thow but wene,
Or thou wend of this wane wemeles away!"
Schir Kay wes haisty and hate, and of ane hie will;
Line 100
Spedely to hym spak:
"Schort amendis will I mak;
Thi schore compt I noght ane caik,
Traist wele thair till."
IX.
Thair vith the grume, in his grief, leit gird to schir Kay,
Line 105
Fellit the freke with his fist flat in the flure.
He wes sa astonayt with the straik, in stede quhare he lay,
Stok still as ane stane, the sterne wes sa sture!
