Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...

Page 1638

APPENDIX II.

Brit. Mus. Additional 10,036, leaf 62.

(See lines 20011 to 20820, of text, [[The latter part of this poem considerably differs from the version as given in the text, introducing new and fuller incidents. The above preamble also, of 12 lines, quite differs from that of 54 lines in the text.]] Part IV, pp. 1147-1191.)

[In the numbering of the lines the heavy-black figures indicate that lines which occur in the text have been omitted here, as shown by the neighbouring figures.]

Hic incipit assumpcio beate Marie.

                      
                        IN honorance of iesu cryst
                        Line 1 
                      
                        Sitteþ stille and haueþ lyst,
                      
                        And ȝif ȝe wille to me here,
                      
                        Off oure ladi ȝe mai lere,
                      
                        Floure of heuene, ladi and quene,
                        Line 5 
                      
                        As sche auȝt wel to bene,
                      
                        To wham aungeles doun here myȝt
                      
                        To serue hure boþe day & nyȝt.
                      
                        Parauenture ȝe haue noȝt iherde
                        Line 9 
                      
                        How oure ladi went out of þe werde;
                      
                        Sitteþ stille and herkeneþ to me,
                      
                        Now iesu cryst oure helpe be!
                        Line 12 
                      
                        ¶ Whan iesu crist was doun on þe rode,
                      
                        And þolede deþ for oure goode,
                        Line 20066 
                      
                        He callide to hym seynt Iohan
                      
                        That was his fleschli kynnes man,
                      
                        His moder swete he dide also,—
                      
                        He callid no men mo him to,—
                        Line 18 
                      
                        And seide, "womman, lo! here þi sone,
                      
                        And man take hure to moder in good wone,
                      
                         [[These two lines not in text.]] And þenkeþ on my sorwe nowe,
                      
                        How I hange here abowe, [[These two lines not in text.]] 
                      
                        How I hange apoun a tre,
                        Line 20073 
                      
                        Ful sore I wote hit reweþ þee.
                      
                         [folio 62b:1] Myn feet, myn hondes of blode ben rede,
                      
                        With-owte gilt I þole dede,
                      
                        But þei haue wille to louen me
                      
                        For wham I hange on þis tree,
                        Line 28 
                      
                        The Iewis me deden mychel schame,
                      
                        Ther-of hadde I neuer blame."
                        Line 20080

                      
                        MArie his moder sore dide wepe,
                      
                        The teeres fellen at hure fete,
                      
                        Nas no wondre þouȝ sche wepe sore
                      
                        Of sorwe wist sche neuer more.
                        Line 34 
                      
                        When he þat of hure flesche nam
                      
                        For his holi swete nam
                        Line 20086 
                      
                        Honge þer nailed to a tre,
                      
                        "Alas! my sone," þo saide sche,
                        Line 38 
                      
                        "How mai I lyue, how mai I bene,
                      
                        How mai I þis sorwe ysene!
                        Line 20090 
                      
                        Neuer ere wist I of sorwe nouȝt,
                      
                        Leue sone what hauest þou þouȝt,
                      
                        How schal I leue withoute þee?
                        Line 43 
                      
                        Leue sone what saist þou to me."
                      
                        Iesu spak þo wordes goode
                      
                        As he henge on þe rode,

                        Line 20096

Page 1639

                      
                        Line 20096 
                      
                        And seide to his moder dere,
                        Line 47 
                      
                        "I schal þee take a trewe fere
                      
                        That trewly schal kepen þee, [folio 63a:1] 
                      
                        While in erþe þou schalt be."
                        Line 20100 
                      
                        Than seide Iesu to seynt Iohan,
                      
                        "For my loue kepe wel þis womman,
                      
                        Kepe hure wel with al þi myȝt
                        Line 53 
                      
                        That no man do hure vnryȝt."
                      
                        ¶ þan nam þe apostel seynt Iohan
                      
                        On his kepynge þis womman,
                        Line 20106 
                      
                        He kept hure wel with al his myȝt
                      
                        That no man do hure none vnriȝt. [[MS. has viry ȝt]] 
                        Line 58 
                      
                        To þe temple he hure nam,
                      
                        And also sone as he þer cam
                      
                        God to serue he hure dede
                      
                        Amonge þe nunnes in þat stede;
                        Line 62 
                      
                        Ther sche bileft al hure lyfe,
                      
                        Ne loued sche noþer fiȝt ne stryf.
                      
                        ¶ The ladies þat þer-inne weren
                        Line 20115 
                      
                        Ful wel þei ne myȝt hure forberen,
                      
                        For euer þe while sche was pore
                        Line 67 
                      
                        Sche wolde serue, las & more.
                      
                        Seke & hole sche dide gode,
                        Line 20119 
                      
                        And seruede hem to hande and fote,
                      
                        Naked & hungry sche cloþed & fedde,
                      
                        Colde & seke sche brouȝt to bedde,
                      
                        Ne was þer noþer seke ne fere [folio 63b:1] 
                      
                        That þei nadde to hure mystere.
                        Line 74 
                      
                        Thei louede hure wel with al here myȝt,
                      
                        Sche it serued & þat was ryȝt.
                        Line 20126 
                      
                        Sche woke more þan sche slepe,
                      
                        Hure sone to serue was al hure kepe,
                      
                        To hym sche callid with rewful steuene,
                      
                        And he hure sent an angel fro heuene,
                      
                        To glade hure hym-self he cam
                        Line 81 
                      
                        That of hure bodi flesche nam.
                        Line 20132 
                      
                        Seynt Ion hure keper was hure dere,
                      
                        And to hure was a trewe fere,
                        Line 84 
                      
                        Ne wolde he neuer fro hure gone,
                      
                        Al þat sche wolde he wolde done;
                      
                        While sche was in þat stede
                        Line 20137 
                      
                        Al þat sche wolde he hure dede.
                      
                        When sche hadde þer longe ben,
                        Line 89 
                      
                        That faire ladi, heuene quen,
                      
                        Than wolde hure sone sche com him to,
                      
                        When he wolde hit was do.
                        Line 20142 
                      
                        He sent to hure an angel of heuene,
                      
                        That gret hure with myry steuene,
                        Line 94 
                      
                        Ther sche was & bad hure bede
                      
                        Lyȝth an angel in þat stede,
                      
                        And seide, "ladi! ful of grace, [folio 64a:1] 
                      
                        Blessed be þou in eche place!
                        Line 98 
                      
                        Be nouȝt adrad þouȝ I be here,
                      
                        I am þi sones massagere,
                        Line 20150 
                      
                        Fro hym I am to þee come,
                      
                        He gret þee wel, þi dere sone,
                      
                        Floure of erþe, heuene quene,
                        Line 103 
                      
                        Blessed mote þou euer bene,
                      
                        Wel be þat tyme þat þou was born.
                      
                        For al þis worlde hit was forlorn
                      
                        ȝif þou ne were, & þe fruyt of þee,
                      
                        Marie ladi, wel þee be.
                        Line 108 
                      
                        Ladi! best of al þinge,
                      
                        Bliþe tiþynges I þee brynge,
                        Line 20160 
                      
                        Thou take þis palme þat I brynge þee,
                      
                        Thi dere sone haþ sent it þee;
                      
                        The þynkeþ longe him to see,
                        Line 113 
                      
                        Therfore most I no lengere be,
                      
                        He schal sende after þee
                        Line 20165 
                      
                        Of heuene ferde moche plente,
                      
                        And brynge þee in to his blisse
                      
                        That euer was & now is;

                        Line 118

Page 1640

                      
                        Line 118 
                      
                        þer he is kyng, þou schalt be quene,
                      
                        Al heuen-ryche bliþe schal bene;
                        Line 120 
                      
                        And alle him þenkeþ swiþe longe [folio 64b:1] 
                      
                        Til þou comest hem amonge."
                        Line 20172 
                      
                        Than answerede oure ladi,
                        Line 20175 
                      
                        And seide to þe angel, "belamy,
                      
                        Art þou my sones massagere
                        Line 125 
                      
                        That bryngest me þis bodes here?
                      
                        Haueþ he me sette any day
                      
                        Aȝens when I me greithe may?
                        Line 20180 
                      
                        With my frendes & my kynnes men,
                      
                        And with hem þat I in erþe haue ben,
                      
                        And hem þat I haue fedde & clad,
                      
                        And don al þat my sone hem bad."
                      
                        Tho seide þe angel, "I sei þee,
                        Line 133 
                      
                        Thou schalt be here but daies þre,
                      
                        The þridde dai we schal come
                        Line 20187 
                      
                        Alle ix ordres fram heuen abone,
                      
                        And fecche þee with myry songe,
                      
                        For after þee vs þinkeþ longe."
                        Line 138 
                      
                        To þat aungel seide oure ladi,
                        Line 20191 
                      
                        "What is þi name þat, standeþ me bi?"
                      
                        "My name seie I þee nouȝt,
                        Line 20195 
                      
                        But take þis palme þat I haue brouȝt,
                      
                        Kepe it wel I bidde þee,
                        Line 143 
                      
                        Ne lete it neuer be fro þee.
                      
                        Ne mai I no lengere abide here, [folio 65a:1] 
                      
                        For I am sent a massagere;
                        Line 20200 
                      
                        I schal to þe apostles sone anone,
                        Line 147 
                      
                        And seie to hem sundry on & one,
                      
                        That þei ben here þe þridde dai.
                      
                        No lengere abide I ne mai."
                        Line 20204 
                      
                        When he had i seide to heuene he steie,
                      
                        And marie þer bi-left he, [[Two lines here omitted.]] 
                      
                        Vntil hure chambre sone sche nam,
                      
                        And also sone as sche þider cam,
                        Line 154 
                      
                        Sche dide of hure cloþes alle,
                        Line 155 
                      
                        And wasche hure with water of wille;
                      
                        So sone as sche hadde doun,
                        Line 20213 
                      
                        Newe cloþes sche dide hure apoun.
                      
                        When sche was faire schred & clad,
                      
                        To iesus cryst a bone sche bad,
                        Line 160 
                      
                        And seide, "sone, I þanke þee
                      
                        That þou hast yþouȝt on me;
                      
                        My sone þat is heuene kynge,
                        Line 20219 
                      
                        I praie þee of þi blessing.
                      
                        Sone, for þyn hye name,
                        Line 165 
                      
                        Schelde my bodi fro pyne & schame,
                      
                        That þe deuel haue no myȝt
                      
                        To reyne þee, hit were no ryȝt.
                        Line 20224 
                      
                        Kepe me sone, now is nede, [folio 65b:1] 
                      
                        That I ne haue of þe deuel no drede,
                      
                        For with þe wiles þat he can,
                        Line 171 
                      
                        He begileþ many a man.
                      
                        Leue sone, ȝeue hym nouȝt
                      
                        Man-kynde þat þou hast bouȝt.
                        Line 20230 
                      
                        Mi sone þat art ful of pite,
                      
                        For man-kynne I praie þee,
                        Line 176 
                      
                        That þou [sun] forþi holi grace,
                      
                        Ȝeue hem boþe myȝt & space,
                        Line 20234 
                      
                        Hem to amende or þei ben dede,
                      
                        That þei haue of þe deuel no drede.
                      
                        Thynke, leue sone, þou hast hem wrouȝt
                      
                        And dere þat þou hast hem bouȝt." [[Two lines left out here.]] 
                      
                        When sche hadde praied so,
                      
                        Hure frendes sche callid hure to,
                        Line 184 
                      
                        Hure sibbe, & hure kynnes men,
                      
                        With reuful steuene sche spak to hem.
                      
                        An seide, "leue frendes, my sone
                        Line 187 
                      
                        Wol no lenger þat I here wone,
                      
                        He wol þat I with him be;
                        Line 20247 
                      
                        Wherefore I praie ȝou, pur charite,

Page 1641

                      
                        ȝif I any þinge haue mys-wrouȝt,
                        Line 191 
                      
                        Seieþ me now, for hele ȝe nouȝt,
                      
                        I it wole amende with my myȝt, [folio 66a:1] 
                      
                        That my soule haue no vnplyȝt.
                      
                        The good þat ȝe haue doun me,
                        Line 20253 
                      
                        My sone, þat was doun on þe tree
                      
                        Man to bigge fro þe quede,
                        Line 197 
                      
                        He ȝelde it ȝow at ȝoure nede,
                      
                        And brynge ȝow in to his blis
                      
                        Ther I schal be, & my sone is."

                      
                        Alle þat weren hure bi.
                        Line 201 
                      
                        Off suche tiþinges weren sori,
                      
                        And saide, "ladi, how mai þis be,
                      
                        How schulle we louen withoute þee!
                      
                        Ladi! þou hast vs serued so,
                        Line 20263 
                      
                        Alas! how schulle we parte a-two.
                      
                        Swete ladi, what is þi þouȝt?
                        Line 207 
                      
                        Rewe on vs, departe vs nouȝt,
                      
                        In moche sorwe & in myche wo
                      
                        Schulle we lyue, be þou a-go."
                        Line 20268 
                      
                        þan answerede oure ladi
                      
                        To þat folke þat stode hure bi,
                        Line 212 
                      
                        "Lateþ be ȝour greding, hit helpeþ noȝt,
                      
                        And haueþ blis in ȝoure þouȝt.
                        Line 20272 
                      
                        Whiles I am here wakeþ with me,
                      
                        Hit doþ me good þat I ȝow se.
                        Line 216 
                      
                        Haueþ no drede in wel, [folio 66b:1] 
                      
                        Of peyne schal I þole no del,
                        Line 20276 
                      
                        Mi bodi mai no peyne þolen,
                      
                        For he was þer-of y-boren.
                        Line 220 
                      
                        He þoled deþ him-self for me,
                      
                        He honged nailed on þe tree;
                      
                        Mi sone þat is kyng of heuene
                      
                        Schal me sende worde wel euene;
                        Line 20282 
                      
                        Iohan & þe apostles where so þei bene,
                      
                        Schulle alle come for to sene."
                        Line 226 
                      
                        As sche so spak to þe mon,
                        Line 227 
                      
                        Off al þat wist nouȝt seynt Ion,
                      
                        He come to speke with oure ladi,
                      
                        Ferli him þouȝt þat sche was sory,
                      
                        And seide, "ladi, what is þee,
                      
                        What is þis folk þat I here se,
                        Line 232 
                      
                        Seie me ladi, what is þee?" he sede,
                      
                        For me were leuer þat I were dede,
                      
                        Than I þee se suche semblant make,
                      
                        For schal I neuer suche a ladi take.
                      
                        Hastou ouȝt herde þat I ne can
                        Line 237 
                      
                        Off me or of any oþer man?
                      
                        Schal I neuer haue blis,
                        Line 20297 
                      
                        Til I wite ladi what þee is."
                      
                        Oure ladi wept, and Iohan also, [folio 67a:1] 
                      
                        For trewe loue was bitwene hem two.
                      
                        "Iohan," seide ladi, "what is þee,
                      
                        For þi sones loue seie þou me."
                        Line 244 
                      
                        Marie answerde with rewful steuene,
                      
                        And seide, "me cam bode fram heuene,
                      
                        Fro my sone a massagere,
                        Line 20305 
                      
                        He wol no lengere þat I be here.
                      
                        Wite þou wel, hit rewiþ me
                        Line 249 
                      
                        That I schal Iohan parte fram þee,
                      
                        For þi loue & þi seruyce,
                        Line 20309 
                      
                        That þou hast doun on eche wise,
                      
                        Thou hast me boþe fed & clad;
                        Line 253 
                      
                        And doun also my sone þee bad,
                      
                        My sone schal it wel ȝelde þee,
                        Line 20313 
                      
                        I schal him telle when I him se."
                      
                        Than answerde seynt Iohan,
                      
                        That was a ful sori man,
                        Line 258 
                      
                        And seide, "ladi, how mai þis be
                      
                        That I schal þee no more se!
                        Line 20318 
                      
                        Mi ioie, [[ioie is in MS.]] my blis, is doun eche del,
                      
                        Ne schal me neuer worþen wel

Page 1642

                      
                        Sithen we ben parted a two."
                        Line 263 
                      
                        þo seide oure ladi, "why saistou so?
                      
                        Wite þou wel, I go be-forn [folio 67b:1] 
                      
                        Thi seruyse schal noȝt be forlorn;
                      
                        I schal to my sone seie of þee,
                        Line 20325 
                      
                        That þou with hym & me schal be.
                      
                        But herestou now my frende Ion,
                        Line 269 
                      
                        When þou sest þat I am gon,
                      
                        Kepe my bodi þat I ne be binomen
                      
                        When þe fellon Iewes comen,
                      
                        Mi bodi for to doun no schame,
                        Line 20331 
                      
                        For þei hate no þing more þan my name;
                      
                        Mi sone þei hongen on a tre,
                        Line 20336 
                      
                        Wel I wote so wolde þei me.
                        Line 276 
                      
                        I wote wel þei louen me nouȝt,
                      
                        But þerof be þi most þouȝt,
                      
                        When I am parted Iohan, fram þee,
                      
                        That þei do my bodi none eneste,
                      
                        My sone þat woneþ in heuene liȝt
                        Line 281 
                      
                        Lete hem neuer þer to haue myȝt."
                      
                        "Ladi, sithen hit is so,
                        Line 20344 
                      
                        That we schal departe a-two,
                      
                        Seie me how long hit is to þan."
                        Line 285 
                      
                        "For soþe," marie seide to Iohan,
                      
                        "Bi þis & þe þridde day,
                      
                        No lenger abide I ne may."
                        Line 20349 
                      
                        When he it herde he was sory, [folio 68a:1] 
                      
                        He wept & seide, "ladi, mercy!
                        Line 290 
                      
                        How schal I lyue, how schal I fare,
                      
                        How schal I blis or ioie haue [mare]?
                      
                        Furst my lord was brouȝt to dede,
                      
                        Thorow þe felun iewes rede,
                        Line 20355 
                      
                        And now my ladi wil me fro!
                        Line 295 
                      
                        Swete lord! now me is wo.
                      
                        Wolde my lord I wolde be dede,
                      
                        For I ne can no better rede."
                        Line 298 
                      
                        "Iohan," sche seide, "whi seistou so,
                      
                        Th aungeles schal þee come to
                        Line 300 
                      
                        To kepe þee where so þou be,
                      
                        Erliche & late to gladen þee."
                        Line 20363 
                      
                        Whiles he spak so to seynt Ion,
                      
                        Come þe apostles euerychon
                      
                        To-gidre, but þei wist nouȝt
                        Line 305 
                      
                        How þei weren to-gidre brouȝt,
                      
                        Off oþeres come ne wist none;
                        Line 20368 
                      
                        But of hure come bliþe was Ion,
                      
                        He cust hem alle, so fayn he was,
                      
                        And seide, "deo gracias,
                        Line 310 
                      
                        Blessed iesu be þi myȝt,
                      
                        For it is faire & hit is ryȝt
                        Line 20373 
                      
                        That þi moder come to þee, [folio 68b:1] 
                      
                        That sche faire welcom be
                        Line 314 
                      
                        Of þine apostles, þat most þee louen;
                      
                        I ne wote how þei ben hidre ycomen."
                      
                        Than seide Petyr to seynt Ion,
                        Line 20378 
                      
                        "Whi art þou so sory amon?
                      
                        Whi wepistou, & what is þee?
                        Line 319 
                      
                        For felaschip telle þou me."
                      
                        "I schall þee seie," [seid] seynt Ion,
                      
                        "Whi I am so sory a mon,
                        Line 20383 
                      
                        But seie me furst for godes lone,
                      
                        Whi ȝe arn hider icome,
                        Line 324 
                      
                        And weryn so wide i-sprad,
                      
                        Seieþ what haþ ȝou hidre ilad?"
                      
                        Tho seide Petyr a ferli þinge,
                        Line 20388 
                      
                        "I was fer hens atte my prechinge,
                      
                        I was so henne in anoþer londe,
                        Line 329 
                      
                        And helde my boke in my honde,
                      
                        And tauȝt men of my sermoun,
                      
                        I ne wote how I cam to þis toun."
                        Line 20393 
                      
                        So seide alle þat weren þere,
                        Line 20395 
                      
                        "Suche wondre sawe I neuer ere."

                        Line 334

Page 1643

                      
                        Line 334 
                      
                        None of hem ne wist þorw wham,
                        Line 335 
                      
                        Ne what wai þei þidre cam.
                      
                         [folio 69a:1] Than seide seynt Ion, "for soþe I wys,
                      
                        I schal ȝow telle what it is,
                      
                        Comeþ with me in to þis hous,
                        Line 20394 
                      
                        Oure ladi þer, abideþ vs,
                      
                        Sche ordeyneþ hure to fare vs fro,
                      
                        For hure sone hit wolle so.
                        Line 342 
                      
                        Hure sone haþ sent his messagere,
                      
                        He wol no lengere þat sche be here,
                      
                        And hider he haþ ȝow alle ysent
                        Line 20407 
                      
                        To kepe hure bodi when sche is went.
                      
                        Bi-fore hure knele ȝe alle bi-dene, [[Twenty lines omitted here.]] 
                        Line 20410 
                      
                        And seieþ "ladi, heuene quene,
                        Line 20429 
                      
                        Off alle wymmen best þee be,
                        Line 20431 
                      
                        Thi sone vs haueþ sent to þee,
                      
                        To kepe þee & do þi wille,
                      
                        Vs þenkeþ wel þat it is skille
                        Line 352 
                      
                        That heuene & erþe bowe þee to,
                      
                        For þi sone hit wol so,
                      
                        Thi sone þat is heuene kynge,
                        Line 20438 
                      
                        And alle þing haþ in his kepinge."
                        Line 20437 
                      
                         [[These two lines added here.]] Than comen þe apostles alle
                      
                        And bi hure bigan to falle [[These two lines added here.]] 
                        Line 358 
                      
                        Vp ros oure swete ladi
                        Line 20439 
                      
                        And kist þe apostles bi & bi,
                      
                        Off here come sche was glad, [folio 69b:1] 
                      
                        Alle þei dide þat sche bad.
                        Line 362 
                      
                        Sche asked hem how þei come þere?
                      
                        That sprad so sundry were.
                        Line 20444 
                      
                        The seide in ful good þouȝt,
                      
                        "Thi sone vs haþ hidre ybrouȝt,
                      
                        To kepe þee & by þee by,
                        Line 367 
                      
                        Ther-fore we comen to þe, lady."
                      
                        Ful bliþe sche was of here come,
                        Line 20449 
                      
                        "Blessed," sche seide, "be my sone,
                      
                        When it is my sones wille
                        Line 20453 
                      
                        That I come him to hit is skille.
                      
                        Mi bodi ȝe schal kepe so,
                        Line 373 
                      
                        That þer-to come nouȝt my fo,
                      
                        Kepeþ faire my body
                      
                        That none do me no vilany.
                        Line 20458 
                      
                        The Iewis ben ful of felony,
                      
                        My sone þei slow þorw enuye,
                        Line 378 
                      
                        The haten no-þing more þan my name,
                      
                        God late hem neuer do me schame.
                      
                        Ther-fore I praie ȝow, pur charyte,
                      
                        And for þe loue þat ȝe haþ to me,
                      
                        When I am faren to heuen blis,
                        Line 383 
                      
                        Wakeþ alle þer my body is,
                        Line 20466 
                      
                        Kepiþ it boþe nyȝt and dai, [folio 70a:1] 
                      
                        That no Iewe stele it awai.
                      
                        Thei wolde it brenne or do it schame,
                      
                        But iesu, for þi holi name,
                        Line 388 
                      
                        Late hem neuer þer-to haue myȝt,
                      
                        For sikirli hit were vnryȝt."
                        Line 20472 
                      
                        Thei seiden alle soþe I-wys,
                      
                        "Hit schal be, ladi, as þi wille is."
                      
                        Whiles oure ladi spak so
                        Line 393 
                      
                        To þe apostles þat come hure to,
                      
                        Come an aungel & stode hure bi,
                      
                        And seide, "wel þee be ladi,
                        Line 20478 
                      
                        And so be alle þat ben þee bi!
                      
                        Loke þou be ful redi,
                        Line 398 
                      
                        þou schalt to heuene, & be made quene,
                      
                        Ful bliþe mai þine hert bene,
                      
                        Alle schal þee serue þe company of heuene."
                      
                        As soone oure ladi herd þat steuene
                      
                        That þe aungel seide hure to,
                        Line 403 
                      
                        Wel ful of Ioie was sche þo,
                        Line 20486 
                      
                        Sche ȝede to hure bedde & lai,
                      
                        Abowte þe tyme of myddai.

                        Line 406

Page 1644

                      
                        Line 406 
                      
                        Iohan & þe apostles weren hure bi,
                      
                        To kepen hure as oure ladi.
                        Line 20490 
                      
                         [[These two lines instead of 18 lines in text.]] Sche badde Ion & þe apostles alle
                      
                        To kepen hure what so bi-falle. [folio 70b:1] 
                        Line 410

                      
                        Sitteþ now stille boþ more & lesse,
                      
                        And herkeneþ of þe moche blesse,
                      
                        Off Iesu þer he come so lyȝt,
                        Line 20511 
                      
                        He dide his moder ful moche riȝt,
                      
                        As a sone auȝt his moder to done;
                      
                        He callid þe aungeles euerychone,
                        Line 416 
                      
                        And alle þe mayne þat was in heuene,
                      
                        And seide to hem with mury steuene,
                      
                        "Commeþ with me to my lemman!
                      
                        Sche is my moder, hure sone I am,
                      
                        Off hure I toke flesche & blode,
                        Line 421 
                      
                        And sithen I hange on þe rode,
                      
                        I þat euer was & ay schal ben,
                        Line 20521 
                      
                        In al þis blisse þat ȝe here sen,
                      
                        I hadde reuþe on al mankyne,
                      
                        That alle went to helle pyne.
                        Line 426 
                      
                        I made man to serue me,
                      
                        And þorw þe appel of a tre
                      
                        That adam toke & ete it Inne,
                        Line 20527 
                      
                        To helle he went & al his kynne.
                      
                        Hit rewid me & for-þouȝt sore,
                        Line 431 
                      
                        And I it wolde þole no more,
                      
                        I lyȝt doun & man bi-cam, [folio 71a:1] 
                      
                        And of þat maide flesche nam.
                        Line 20532 
                      
                        Bifore alle oþer I hure ches
                      
                        And I was born of hure flesches.
                        Line 436 
                      
                        Thritti wynter & somme del more
                      
                        Men to wissen I was pore,
                      
                        Men dide me moche euelte,
                        Line 20537 
                      
                        Myn owyn þat ouȝt for to be,
                      
                        Thei token me & bette me sore,
                        Line 441 
                      
                        And atte þe last þei dide wel more.
                      
                        With-oute gult þei me swongen,
                        Line 443 
                      
                        And to a piler þei me bounden,
                      
                        Nailes þei smyten in my fette,
                      
                        Off blode myne handes weren rede,
                      
                        Myn hert þei stongen with a spere,
                      
                        That sawe alle þat weren þere.
                        Line 20546 
                      
                        Ther I hange nailed on þe tree,
                        Line 20549 
                      
                        My modre was wel wo for me,
                      
                        And also was hure cosin Ion;
                        Line 451 
                      
                        I callid hure to me soone anon,
                      
                        And seide, 'Ion, for my lone,
                        Line 20553 
                      
                        Kepe wel þis wyf, I am hure sone.'
                        Line 20554 
                      
                        Boþe þei wenten þo fro me,
                        Line 20559 
                      
                        Al one I hanged on þe tree,
                        Line 456 
                      
                        Mi soule fram my bodi I nam, [folio 71b:1] 
                      
                        In to þe pyne of helle sone I came.
                      
                        Alle my frendes þat I þer fonde,
                      
                        I toke hem oute with my ryȝt honde,
                      
                        Adam & Eue & many mo,
                        Line 461 
                      
                        I dide hem oute of helle go.
                      
                        When I hadde harwed helle,
                        Line 20567 
                      
                        And don as I ȝow telle,
                      
                        And fet adam fro þe quede,
                      
                        The þridde dai I ros fro dede,
                        Line 466 
                      
                        Fram erþe to heuene I cam,
                      
                        God & man bothe I am.
                        Line 20572 
                      
                        In heuene & in erthe is my myȝt;
                      
                        Now I wol forþe in ryȝt,
                        Line 470 
                      
                        That my modre be me bi,
                      
                        This tyme I wol for-þi.
                        Line 20576 
                      
                        Comeþ with me with mury songe,
                      
                        And do we hure come vs amonge."
                      
                        Than cam iesu with his mayne,
                        Line 475 
                      
                        Aungeles, archaungeles, moche plente,
                      
                        In to þe chambre þer sche was Inne,
                      
                        With ful many of hure kynne.

                        Line 478

Page 1645

                      
                        Line 478 
                      
                        That chambere was ful of moche blis,
                      
                        (As euer is þer iesu is)
                        Line 480 
                      
                        Tho seide alle þat were þere, [folio 72a:1] 
                      
                        Suche a blis sawe þei neuer ere.
                      
                        Amonge þat Ioie & þat glewe
                      
                        Oure ladi hure sone knewe,
                        Line 20588 
                      
                        When sche him sawe, sche was glad;
                      
                        Listeneþ þe bede þat sche bad.
                        Line 486 
                      
                        "Sone, blessid mote þou be,
                      
                        That þou bicome man of me!
                        Line 20592 
                      
                        Hit is wel sene I am þee dere,
                      
                        Now þi-self art comen here;
                        Line 490 
                      
                        Thine apostles þou sendist furst to me,
                      
                        And now þou art come with þi meyne
                      
                        To fecchyn me in to þi myȝt,
                      
                        Was neuer modre sone so bryȝt.
                        Line 20598 
                      
                         [[These two lines added.]]  Mi leue sone, now art þou come,
                        Line 495 
                      
                        With þi meyne here a bone. [[These two lines added.]] 
                      
                        Do, my sone, þat þi wille is,
                        Line 20599 
                      
                        To þee me þinkeþ longe I-wis."
                      
                        "Modre," he seide, "come with me,
                      
                        Of alle wymen best þee be,
                        Line 500 
                      
                        Thou schalt to heuen & be made quene,
                      
                        Wel bliþe may þine hert bene."
                        Line 20604 
                      
                        "Sone," sche seide, "I be-seke þee
                      
                        O þing þat þou graunt me,
                        Line 504 
                      
                        That I nouȝt þe deuel se, [folio 72b:1] 
                      
                        Ne none þat euer with him be;
                      
                        I loue hem nouȝt, þei arn my fone,
                      
                        Ne wolde I neuer sene hem none."
                        Line 508 
                      
                        "Moder," he seide, "ne drede þee nouȝt,
                      
                        Ne come it neuer in my þouȝt.
                      
                        Ne wille I neuer þole more, [[MS. has more thole]] 
                      
                        That any of hem come þee bi-fore;
                      
                        Ne schal þou neuer se ne here,
                        Line 513 
                      
                        But me & aungeles þine fere.
                        Line 20616 
                      
                        Moder, a ȝift I schal þee ȝyue,
                        Line 20621 
                      
                        Thou schalt with me in heuene lyue.
                      
                        And more schal I ȝeue þee,
                        Line 517 
                      
                        Al heuene companye schal serue þee;
                      
                        Modre for þe loue of þee
                        Line 20620 
                      
                        I schal haue mercy & pite,
                        Line 20623 
                      
                        Off al man kynne for þi praiere,
                        Line 20624 
                      
                        That were forlorn ȝif þou ne were.
                      
                        Alle þat doun þee worschipe,
                        Line 20627 
                      
                        And seruen þee wel & treuliche,
                        Line 524 
                      
                        Biseke to þee & mercy wille crie,
                      
                        And seyn 'help seynt marie'!
                      
                        In what peyne so he be,
                      
                        Moder for þe loue of þee,
                        Line 528 
                      
                        I schal hem reles sone anone, [folio 73a:1] 
                      
                        For þi loue I schal þus done.
                        Line 20634 
                      
                        ȝif any haue ben al his lyue
                      
                        In hede synne, maide or wyue,
                      
                        And he wille on his last prowe
                        Line 533 
                      
                        Schryue him & ben y knowe,
                      
                        And telle it, ȝif he haue þe prest,
                      
                        Or a-noþer man þat is him nest,
                      
                        And ȝif he ne mai do no more,
                        Line 20641 
                      
                        But þat him forþinkeþ sore,
                      
                        In what synne so he be,
                        Line 539 
                      
                        Moder for þe loue of þee,
                      
                        I schal on him haue mercy,
                      
                        And sithen þei schulle wone þee bi.
                      
                        ȝif a man hadde al-one wrouȝt
                        Line 20647 
                      
                        Alle þe synnes þat myȝt be þouȝt,
                      
                        And he on his last dai,
                        Line 545 
                      
                        ȝif he none ere ne mai,
                      
                        Repent him, & calle to þee,
                      
                        In what synne so he be,
                        Line 20652 
                      
                        I schal here his praiere,
                      
                        For þi loue, modre dere.

                        Line 550

Page 1646

                      
                        Line 550 
                      
                        Al þat þou wolt bi-seke fore,
                        Line 551 
                      
                        Be it lasse, be it more,
                      
                        Hit schal ben aftur þi wille, [folio 73b:1] 
                      
                        For I it wille, & þat is skille,
                      
                        That no þing with-seie þee,
                        Line 20659 
                      
                        Off þat þou wolt biseke me."

                      
                        Oure ladi knelid him bi-forn,
                        Line 557 
                      
                        And seide, "þe tyme þat pou were born,
                      
                        Ouer alle oþer blessed þou be,
                      
                        For alle þat I wol þou grauntest me."
                      
                        "So I auȝt, moder, & so I wille,"
                        Line 561 
                      
                        He left vp his hond & blessed hure stille.
                      
                        His blessing sche þouȝt good,
                        Line 20667 
                      
                        And he hure soule vndrestode.
                      
                        He callid to hym seynt myȝhel,
                      
                        "Thou kepe me þis soule wel,
                        Line 566 
                      
                        Thou and alle þine fere,
                      
                        Is no þinge me so dere."
                        Line 20672 
                      
                        Alle þat mayne þat cam fro heuene
                        Line 20675 
                      
                        Thei syngen vs a myry steuene,
                      
                        Men myȝt wite bi here songe
                        Line 571 
                      
                        That moche ioie was hem amonge.
                      
                        With alle þat mayne to heuen he hure nam,
                      
                        And as soone as he þer cam
                      
                        He made hure quene of heuen liȝt,
                        Line 575 
                      
                        Blessid be hure sones myȝt. Amen.

                      
                        Now schal we here of þe bodi, [folio 74a:1] 
                      
                        Where it bi-cam & where it li.
                      
                        When þe soule was þere fro hure nomen,
                      
                        Than bad god Peter to him comen,
                      
                        And seide, "Peter, I comaunde þee
                      
                        Mi moder bodi kepe þou me;
                        Line 20688 
                      
                         [[These two lines added.]] Iohan & alle þine fere,
                      
                        Nis no þinge me so dere. [[These two lines added.]] 
                        Line 584 
                      
                        When I furst in þis worlde cam,
                        Line 20689 
                      
                        Off hure bodi flesche I nam,
                        Line 586 
                      
                        Off hure bodi I was born;
                      
                        Petyr, go forþe þou beforn,
                        Line 20692 
                      
                        Thou & alle þine feres with þee,
                      
                        To Iosephat, to þat vale,
                      
                        And leiþ þe bodi in a stone;
                        Line 591 
                      
                        Haueþ no drede of ȝoure fone.
                      
                        Goth with faire processioun
                      
                        To ierusalem þorwe þe toun,
                        Line 20698 
                      
                        Doþ þe belles alle to ryngen,
                      
                        And loke þat ȝe mury syngen.
                        Line 596 
                      
                        Loke þat ȝe haue candele,
                      
                        Torches boþe faire & fele;
                        Line 20702 
                      
                        Foure of þe apostles schal bere þe beere,
                      
                        Ther on schal ligge me modre deere.
                      
                        Haueþ no drede of no Iew, [folio 74b:1] 
                      
                        For I my-self schal be with ȝow."
                        Line 602 
                      
                        When iesu hadde him so seide,
                      
                        And þe bodi was on bere leide,
                        Line 20708 
                      
                        He ȝaf hem alle his blessinge,
                      
                        And stye to heuen þer he is kynge.
                      
                        ¶ To hym þo seide seynt Ion,
                        Line 607 
                      
                        "Felawes, go we soone anon,
                      
                        And turne we þis processioun,
                        Line 20713 
                      
                        And synge we faire þorw þis toun."
                      
                        Ther was a Iew hem amonge [[This story of the Jew is enlarged here, it occupies only 24 lines in the text:-20741 to 20764.]] 
                      
                        Off þe apostles harde þe songe,
                        Line 612 
                      
                        To þe beere he cam lepand,
                      
                        And as he wolde lai [[MS. sai]]  on his hande
                      
                        To þe bere he cleued fast,
                      
                        And to Petir he criede atte þe last,
                      
                        And seide, "Petir! þenkest þou nouȝt,
                      
                        When þi lord was to vs brouȝt,
                        Line 618 
                      
                        Thou him forsoke & I þe knewe?
                      
                        Praie for me," seide þe Iewe,

Page 1647

                      
                        "Praie þi lord ȝif I mai so be.
                        Line 621 
                      
                        That he haue mercy on me.
                      
                        Thenke," quod the Iewe, "what I þee dede,
                      
                        When þou was with vs in þat stede,
                      
                        When þi lord was ytakyn, [folio 75a:1] 
                      
                        And þou haddest him forsakyn;
                        Line 626 
                      
                        Oure mayne þee knewe þat ilke nyȝt,
                      
                        Bothe bi speche & by syȝt,
                      
                        And seiden alle, for I stode þee bi,
                      
                        That þou was of Iesus companye.
                        Line 630 
                      
                        Thou seidest with wordes & with þouȝt,
                      
                        For-soþe þat þou knewe him nouȝt.
                      
                        Praie þi lord of moche myȝt,
                      
                        And his moder þat art so bryȝt,
                      
                        That he me help at þis stounde,
                        Line 635 
                      
                        For I was neuer so harde ybounde!
                      
                        As I þee helped atte þi nede,
                      
                        ȝelde me Petir now my mede."
                      
                        Seynt Petir answerde þo
                      
                        To þe Iewe þat was so wo,
                        Line 640 
                      
                        "ȝif þou woldest leue on him
                      
                        That on þe rode dide þi kyn,
                      
                        That he is soþefast godes sone,
                      
                        God & man for him bicome,
                      
                        That marie bare in hure lyf,—
                        Line 645 
                      
                        Clene maide & clene wyf,
                      
                        Clene widewe withoute wem,—
                      
                        For þee I wol praie þen.
                      
                        Iesu cryst vs liȝteþ aboue, [folio 75b:1] 
                      
                        That he for his moder loue
                        Line 650 
                      
                        So ȝeue þee myȝt for to go
                      
                        And bringe þee oute of þi wo."
                      
                        The Iewe þat henge apoun þe bere
                      
                        Answerde anone, as ȝe mai here,
                      
                        "I leue wel, & better I schal done
                      
                        On iesu crist godes sone,
                        Line 656 
                      
                        That Iewes diden on þe rode,
                        Line 657 
                      
                        And for vs he schedde his swete blode,
                      
                        That marie bare in hure lyf,
                      
                        Clene maiden & clene wyf.
                      
                        He brynge me, I praie it him,
                      
                        Oute of þe wo þat I am Inne."
                        Line 662 
                      
                        As soone as he hadde seide þis bede,
                      
                        He was al hole in þat stede,
                      
                        Off fote of honde he hadde myȝt,
                      
                        Alle his lymes bi-come ful ryȝt.
                        Line 666 
                      
                        He stode vp swiþe anone
                      
                        Bifore þe Iewes euerechone,
                      
                        That suche a myracle haþ done
                      
                        Iesu crist, godes sone,
                        Line 670 
                      
                        Of a wilde hounde haþ made a lomb,
                      
                        To preche his worde in eche a lond.
                      
                        Seynt Petir, þat holi man, [folio 76a:1] 
                      
                        The Iew he crystened anone,
                      
                        He tauȝt him al his bileue,
                        Line 675 
                      
                        He wist he was to godes biheue;
                      
                        He ordeyned him to prest anone,
                      
                        And bad him soone for to gone
                      
                        And prechen al of godes sone
                      
                        In eche alond where he come.
                        Line 680 
                      
                        That palm þat Petir helde in his honde,
                      
                        He toke it him þorw godes sonde,
                      
                        And bad him godes wordes telle,
                      
                        Among þe Iewes þat were so felle.
                      
                        So he spak þe furst day,
                        Line 685 
                      
                        That he turned to godes lay
                      
                        Twenty þousand & sommedel mo
                      
                        Thorw wordes þat he spak þo.
                        Line 20764 
                      
                        Foure of þe apostles þat were þere,
                        Line 20715 
                      
                        That swete bodi forþe þei bere;
                      
                        The Iewes þat were godes fone,
                        Line 20719 
                      
                        Thei herde þe cri sone anone,

                        Line 692

Page 1648

                      
                        Line 692 
                      
                        And þei asked what was þat crie,
                        Line 693 
                      
                        And men seiden it was mari
                        Line 20722 
                      
                        That seynt Petir & his fere
                      
                        Bare þare apoun a beere.
                        Line 696 
                      
                        "Alas," seide þei, "for schame, [folio 76b:1] 
                      
                        Ascape þei vs we schulle haue blame,
                      
                        Arme we vs alle sone anone,
                        Line 20727 
                      
                        And take we hem alle þer þei gone,
                      
                        That bodi þat þei bere nyme we it,
                      
                        And cast we it in a foule pit,
                        Line 20730 
                      
                        Or brenne we it, & do it somme where,
                      
                        Or cast we it in a foule sere." [[One line here instead of three]] 
                      
                        Thei comen lepand þiderwarde,
                        Line 20736 
                      
                        And þat hem fel swiþe harde,
                        Line 20735 
                      
                        Iesu wolde nouȝt þat schame,
                        Line 707 
                      
                        He made hem boþe blynde & lame,
                      
                        Off hem alle was þer none
                      
                        That myȝt a fote on erþe gone. [[The remaining part of this version quite differs from the 84 remaining lines of the text. Much of it is fresh matter.]] 
                        Line 20740 
                      
                        Here mouþes were to here nek went,
                      
                        Thei þouȝt alle þat þei were schent,
                      
                        Boþe here feet & here handes
                        Line 713 
                      
                        Where bounde with stronge bandes,
                      
                        Ful sore bounden þei were,
                      
                        For þei ne myȝt go ne here.
                      
                        Than comen here frendes hem to,
                      
                        And seide, "alas! whi seie ȝe so,
                        Line 718 
                      
                        In ȝoure armour so fast ycliȝt,
                      
                        That beþ so faire & so bryȝt?
                      
                         [folio 77a:1] ȝoure speres, ȝour schildes, helpeþ ȝow nouȝt,
                      
                        Telleþ vs what ȝe haue þouȝt."
                      
                        Thei answerd nouȝt þat leyen þere,
                      
                        For þei ne myȝt hem noȝt here,
                        Line 724 
                      
                        But somme of hem þat myȝt speke
                      
                        Seide, "alas! who schal vs wreke;"
                      
                        And euer þei cryede many a stounde,
                      
                        "Alas! how harde we lie here ybounde."
                      
                        Off fyue þousand was þer none
                        Line 729 
                      
                        That myȝt of þat stede gone.
                      
                        Than seide some þat stode hem bi
                      
                        That hadde ysene þat ferli,
                      
                        That seynt Petir & his fere
                      
                        Bare oure ladi on a beere,
                        Line 734 
                      
                        "Thise men wolde hure haue nomen,
                      
                        And þus þei ben ouer-comen,
                      
                        The ladi þei wolde haue doun schame,
                      
                        Ther-fore þei hauen godes grame."
                      
                        The folke hem bad mercy to crie
                        Line 739 
                      
                        To iesu cryst of here folie,
                      
                        And leue þat he is godes sone,
                      
                        And siþen crysten men bi-come.
                      
                        "We hope þat iesu schal sone tyme
                      
                        Delyuere ȝow of ȝoure pyne."
                        Line 744 
                      
                        Thei criede mercy with good wille, [folio 77b:1] 
                      
                        Somme lowde & somme stille,
                      
                        And iesu, þorw his mochil myȝt,
                      
                        Here feet & handes gan to ryȝt;
                      
                        Thorw myracle þat þer was donn,
                        Line 749 
                      
                        Bi-come cristene many on,
                      
                        And leuede on cryst & criede mercy,
                      
                        That none oþer god was so myȝty.
                      
                        The apostles went forþe on here way
                      
                        To Iosophat to þat valay,
                        Line 20771 
                      
                        When þe apostles comen were.
                        Line 755 
                      
                        Wel softe þei setten doun þe beere,
                      
                        With gret deuocioun euerychone.
                      
                        Thei leide þe bodi in a stone,
                      
                        And bileft alle in þat stede,
                        Line 759 
                      
                        As oure ladi hadde hem bede,
                      
                        And woke þer al þat nyȝt
                      
                        With many torches & candle lyȝt.

                        Line 762

Page 1649

                      
                        Line 762 
                      
                        On þe morwe when it was dai,
                        Line 763 
                      
                        Thei loked where þat bodi lai,
                      
                        Thei ouerturned þat ilke stone,
                      
                        Bodi þei founde þer none.
                      
                        But þei sawe in þat stede þana,
                        Line 767 
                      
                        Liand as it were amana;
                      
                         [folio 78a:1] That manna bitokened hure clene lyf,
                      
                        That sche was modre, maide, & wyf.
                      
                        Tho wist þe apostles I-wis
                      
                        The bodi was in to paradis,
                        Line 772 
                      
                        Also godes wille was,
                      
                        Thei seide Deo gracias.
                      
                        Seynt Thomas of ynde þiderward cam,
                      
                        Also blyue as he myȝt gan,
                      
                        And wolde haue ben at hure fyne
                        Line 777 
                      
                        ȝif he myȝt haue come bi tyme.
                      
                        As he loked him bi-side,
                      
                        He sawe a briȝtnesse bi him glide,
                      
                        Bi þat stede þer he come
                      
                        Oure ladi to heuene was nome.
                        Line 782 
                      
                        He knelede doun & seide, "ladi
                      
                        Off me I praie ȝow haue mercy,
                      
                        Ladi, quene of heuene lyȝt,
                      
                        For þine swete mychel myȝt,
                      
                        Sende me token þis ilke day,
                        Line 787 
                      
                        What þinges þat I say may
                      
                        To myn felawis þer I hem fynde, [[sic]] 
                      
                        That I was toward þi buriynge
                      
                        Thei wil nouȝt leue þat I were;
                      
                        Now graunt me ladi my praiere."
                        Line 792 
                      
                         [folio 78b:1] Abowte hure myddel a seynt sche souȝt,
                      
                        That sche hure self hadde wrouȝt
                      
                        Off silk & gold wounden in pal,
                      
                        Doun to thomas sche lete it fal,
                      
                        He toke þer þe gurdel in his honde,
                      
                        And þanked hure of hure sonde.
                        Line 798 
                      
                        Forþe he went of þat stede,
                        Line 799 
                      
                        Toward þe toune he him dede,
                      
                        His felawis for to seke on his fete,
                      
                        ȝif he hem ouȝt myȝt mete.
                      
                        Atte þe temple dominus
                      
                        He fonde hem alle in an hous.
                        Line 804 
                      
                        When he hem sawe he gret hem,
                      
                        And þei answerde alle hym,
                      
                        And seiden, "thomas of ynde,
                      
                        Euer art þou bi-hynde,
                      
                        Whare hast þou so longe bene?
                        Line 809 
                      
                        We haue buried heuene quene,
                      
                        Thou helpest noȝt at no good dede,
                      
                        Thou failest euer at most nede."
                      
                        "Sore me for-þinkeþ þat I ne was here,
                      
                        But I ne myȝt come no nere,
                        Line 814 
                      
                        Blessed be sche quene of blis
                      
                        In þat stede þer now sche is,
                      
                        For wel I wote bi my þouȝt [folio 79a:1] 
                      
                        Ther ȝe hure left is sche nouȝt."
                      
                        Than seide to him sone anone
                        Line 819 
                      
                        Bothe Petir & seynt Ione,
                      
                        "Thou ne woldest leue, thomas,
                      
                        That oure lord fram deth ras,
                      
                        Come þou art mys-bileuyd
                      
                        And tales ynow þou canst fynde;
                        Line 824 
                      
                        Thou leuest nouȝt on godes craft,
                      
                        Swylk felawis wille we nauȝt."
                      
                        "Be stille," he saide, "broþer Ione,
                      
                        Whi chyde ȝe me euerychone?
                      
                        I am ful wery man for-gone,
                        Line 829 
                      
                        Me ne list answeri neuer one.
                      
                        But I þanke oure lord god
                      
                        I sawe hure with flesche & blood,
                      
                        Ther oure ladi to heuene went,
                        Line 833 
                      
                        Here is þe token þat sche me sent."

Page 1650

                      
                        Quath seynt Petir, "þat is sothe,
                        Line 835 
                      
                        This seynt sche hure-self wof,
                      
                        We dide it on hure in þe beere,
                      
                        Wonder me þinkeþ þat it is here.
                      
                        Go we swiþe in to þe vale,
                      
                        To wite þe sothe of þis tale
                        Line 840 
                      
                        That he haþ vs here yseide, [folio 79b:1] 
                      
                        For it was in þe tumbe ylaide,"
                      
                        Oute of þe place swiþe þei ȝede,
                      
                        And þe tumbe þei vndede,
                      
                        No þing þer-Inne þei ne founde
                        Line 845 
                      
                        But a manere floure at þe grounde,
                      
                        That floure was manna yclepid,
                      
                        Hit was in þe tumbe ystekyd.
                      
                        Thei ȝeden alle abowte þe tumbe,
                      
                        And knelede on þe bare grounde,
                        Line 850 
                      
                        And seiden, "iesu, godes sone,
                      
                        Al þi sonde be welcome,
                      
                        Myȝtful art þou, heuene kynge,
                      
                        That mai we wite bi þis tokenynge,
                      
                        For no man mai wite ne se,
                        Line 855 
                      
                        What is þi derne priuete."
                      
                        Cryst of heuene þat is so bryȝt,
                      
                        Amonge þe apostles sone he lyȝt,
                      
                        And gret hem alle yfere,
                        Line 859 
                      
                        With aungeles fele þat with him were,
                      
                        And seide, "now pees be with vs,
                      
                        Blessed be ȝe," seide Iesus.
                      
                        A lyȝt cloude come after þan
                      
                        And ouer sprad hem euery man,
                        Line 864 
                      
                        And bar hem alle þat were þere [folio 80a:1] 
                      
                        In-to here stedes þer þei preched ere,
                      
                        And fonden alle þat folke ȝete,
                      
                        Sittand stille atte here fete,
                      
                        And þei bigonne for to preche,
                      
                        And þe folke for to teche.
                        Line 870 
                      
                        Moche wondre hem þo þouȝt
                        Line 871 
                      
                        How þei weren þidre brouȝt.
                      
                        Miȝtful art þou heuene kynge,
                      
                        Iesu crist in alle þinge.
                      
                        The apostles kneled in þat stede,
                      
                        To iesu þei bede a bede,
                        Line 876 
                      
                        Iesu herde here praiere,
                      
                        For þei were him leue & dere.

                      
                        WE biseche þee for alle þathereþ þis vie
                      
                        Off oure ladi seynt marie,
                      
                        That Iesu schelde hem fram grame,
                      
                        Fro dedly synne & fro schame,
                        Line 882 
                      
                        Ne mys auenture schal bifalle þat man
                      
                        That þis a vie here can,
                      
                        Ne no womman þat ilke dai
                      
                        That of oure ladi hereþ þis lai
                      
                        Dien ne schal of hure childe,
                        Line 887 
                      
                        For oure ladi hure schal be mylde.
                      
                         [folio 80b:1] Ne none mys auenture schall be-falle
                      
                        In felde, in strete, ne in halle,
                      
                        In stede þer þis vie is rad,
                      
                        For oure ladi hure sone it bad.
                        Line 892 
                      
                        And þe archibisshop, seynt Edmoud,
                      
                        Haþ graunted xl daies to pardoun
                      
                        To alle þat þis vie wol here
                      
                        Or with good wille wol lere.
                        Line 896 
                      
                        Iesu, for þi modre loue
                      
                        That woneþ in heuene vs aboue,
                      
                        Graunt vs ȝif þi wille is
                      
                        The mochil Ioie of paradis,
                        Line 900 
                      
                        A praier þer-to seie alle we,
                      
                        A Pater noster, pur charite,
                      
                        And an Aue Marie þer-to,
                      
                        That Iesus vs graunt so. Amen
                        Line 904 
                      
                        Celi regina sit scriptori medicina.

About this Item

Pages

Page 1638

APPENDIX II.

Brit. Mus. Additional 10,036, leaf 62.

Hic incipit assumpcio beate Marie.

Page 1639

Page 1640

Page 1641

Page 1642

Page 1643

Page 1644

Page 1645

Page 1646

Page 1647

Page 1648

Page 1649

Page 1650

Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...

About this Item

Pages

description Page 1638

APPENDIX II.

Brit. Mus. Additional 10,036, leaf 62.

Hic incipit assumpcio beate Marie.

description Page 1639

description Page 1640

description Page 1641

description Page 1642

description Page 1643

description Page 1644

description Page 1645

description Page 1646

description Page 1647

description Page 1648

description Page 1649

description Page 1650

Page 1638

Page 1639

Page 1640

Page 1641

Page 1642

Page 1643

Page 1644

Page 1645

Page 1646

Page 1647

Page 1648

Page 1649

Page 1650