[Anger.]
. . . . .
. . . . . [no gap in the MS.]
Wreth es raysand redy boune,
missaw, flit, and malisoune,
Wrang falshed, banyng, and vpbraid,
þat bath to god and man es sayd;
Threte, and oft siþes dedis dint,
Line 27732
Boling of hert with reson tynt,
Vnhend spekeing, of dede outrage,
Misled lates, vnlefful rage,
Athes grete, and sklander and tene;
þir springes of wreth albidene.
Line 27737
Wreth es noght bot a brath on fall,
In heuy hert mengid with gall;
. . . . .
. . . . . [no gap in the MS.]
It makes fliteing and misdemes,
Line 27742
And mans awin wit fro him it flemis;
It reues a man bodily might,
And blindes a man in his in-sight,
Of gude lufing it brekes þe band,
And lettes gude counsail to stand;
Fro god it reues a mans will,
Line 27748
And makes him derf to dedes ill;
Whare it es wonand may none be [folio 68a:1]
Lastand in luf an charite.
Line 27751
It es hatred, and Ire strang,
þat in hert has bene halden lang,
Still in hert ay will it hing
Line 27754
Till wikked uss [[This word interlined in later hand.]] it furth may bring.
Ogaines þis sin es best to take,
Tholmodenes for cristes sake,
