When þou es noght cursed þan If comun with cursed man.
Here haue I rekkind of sere thing
Line 29432
þat men falles fore in cursing,
þarfore here next now will I neuyn
Of cases þat I find elleuyn.
Line 29435
In whilk cases none er cursed þan
If þai comun with cursed man.
Þe first case es, if þou noght wate, [j]
þat he es in cursed state,
Line 29439
þou may with him comun in dede,
Bot þe wers may þi wirking spede.
þat oþer es in feld or toun [ij]
With þi carl may þou comoun,
And also childer within elde,
Of cursed man may haue þaire belde.
Þe thrid case es a sposed wife, [iij]
Line 29446
With cursed husband may lede hir life.
þe firth if þi wife cursed be, [folio 73a:2] [iiij]
þat cursing sall noght cum to þe,
If scho þe serue in al thing,
Line 29450
þat falles vntill order of weding.
þe fift if þe fader in cursyng ly, [v]
þe sun may dwell in cumpany,
And serue his fader als falles þarto
And right so may his doghter do.
þe sext if þe fader haue nede of fode, [vj]
Of his cursed sun he may tak gude,
Line 29457
