Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...

De sex casibus pape reseruatis

Sex cases þare er out tane, [folio 72a:2] þat none assoyles bot pape allane, Or þai þat he gifes his powste; þe first of þa men þan es he [j] Line 29241 þat for cursed es knawin and kyd, Als law of haly kirk will bid. þat oþer þat on clerk lais hand, [ij] Or haldes in preson or in band, Line 29245 Bot if þat he haue done slike plight þat he haue lost his state thurgh right. . . . . . . . . . . [no gap in the MS.] Line 29249 þe thrid es þat brekes kirkes grith, [iij] And es denounced for cursed þar-with,

Him to asoyl power has nane, Of swilk plight bot pape allane. þe firth es cristes ful enmy [jv] Line 29254 þat vses witchecraft or sorcery, Or vses swilk note with halowde thing, And swa fordose þaire cristenyng, Or makes any trowth vntrew Line 29258 In oþer god þan in ihesu. þe fift poynt es þis to ken, [v] Of þam þat comuns with cursed men, If þai be cursed at þaire witand, Line 29262 Or þai to þe cursing assentand. Þe sext case es of fals bullers [vj] Both þat þam makes and þat þam beres, Of þe pape bus þir assoyled be, Or of þam þat has his pouste.