Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...

[The Miracles and Sayings of Christ.]

¶ Lordyngis in þat ilke cuntre Þat men clepen galile In a toun þat cane is calde Line 13362 A bridale was þere on I halde Þe brydgome did hem þider calle His speciale frendes alle Line 13365

Line 13365 So þat þere was beden to be Line 13366 Oure lady and hir meyne Ihesus him self he coom þertille Wiþ somme disciplis at his wille Þe congregacioun was ful grete Line 13370 And mony semely sat in sete Þe folke þat day feire was fed Of breed & flesshe soden & bred Left þei neuer for cost ny swynke Good wyn þei hadden to drynke Þe wyn was not spared among Þerfore lasted hit not long Line 13377 Whenne mary wist her wyne was gon She tolde hit to hir son anoon She made hir moon in priuete Mi leue son wyn wante we To his modir seide he þon What is þat to me & þe wommon Line 13383 If hit be so oure wyn be gnede On vs liþ not þe nede . . . . . . . . . . [no gap in the MS.] But ȝitt wol we do as hende [folio 83b:1] In nede shul þei fynde vs frend She calde þe botillere hir to Line 13390 And seide do þat my son biddeþ do Þat he biddeþ mot be purueide Hit shal be done lady he seide Ihesus bad hem soone anone Line 13394 Fulle her grete vessel of stone Of watir clere & þei dud so Þenne bad ihesus hem to go For to taste of þat new wyne Line 13398 And bere hit to sir arthitricline Þat of þat hous þo was husbonde And costage to þat bridale fonde Line 13401

Line 13401 Þei filde a cuppe soone in haast Line 13402 And ȝaf architricline to taast He dronke & felt good sauour Dranke he neuer eer suche licour He calde to him þe botillere Line 13406 And seide to him þat alle miȝt here Whi he seide þus didestow To holde þe good wyn til now Line 13409 þe good drynke shulde furst spende And þe weiker at þe ende Whenne men beþ dronken in þat tide And ȝe þe best haue made to abide Ay hidurto as me þinke Line 13414 Þe more is wasted of oure drink Her feest þei helde wiþ melodie Swete hit was þat companye Þat he þere was þat suffred pyne Line 13418 And made hem of her watir wyne Þis was þe formast signe he did Þat was bifore his disciplis kid Þerfore trowed þei þo new Line 13422 Fro þat day in god ihesu Þenne lafte þat bridgome þe bride And folewed ihesu fro þat tide lay he neuer bi hir syde Line 13426 But lafte hir in alle worldes pride Of wif forsoke he hondbonde And toke him to þe better honde Men seyn þis was seint Ion Line 13430 Wiþ ihesu bettur loued was noon He was cosyn to ihesu crist And siþen he was euaungelist Þis was Ion þe gospeller And lay to ihesu brest at þe soper Line 13435 Of witt he dronke þere of þe welle Þat he wiþ speche gon siþen spelle

Þis signe dud crist at his bridale Line 13438 Þat same Ion telleþ in tale Of þo þat ihesu had in erþe Of gospelleres he was þe ferþe Marke. lucas. & matheu his felawes Line 13442 But Ion was þe sotilest in his sawes þerfore to þe ern likened is he þat is no foule so heȝe may fle . . . . . . . . . . [no gap in the MS.] Is noon so siȝty foule of eȝe Line 13448 Ny so fer to fle may dreȝe . . . . . . . . . . [no gap in the MS.]

¶ Ihesus a passage made he Ouer þe see of tiberiade Line 13453 Greet was þe folke him folwynge ȝede To here his sarmoun hem þouȝte gode Her hele to gete þat were seke For fer þei souȝte him ful meke Line 13457 þis folk was muche & of greet wille Ihesus clomb vp into an hille His disciplis wiþ him he ledde Line 13460 Bihelde þe folke aboute hem spredde Þat folewed him in muchel þrong Him rewed þat þei had fasted long þe dales were wiþ folk ouer leide Line 13464 Philip he calde to him & seide Philip þis folk is wondir fele How redestou we wiþ hem dele Now haue þei greet nede of mete where shul we her fode gete Line 13469 Þus he seide þe gospel telles Him to assaye & no þing elles For he þat made sonne & mone [folio 84a:1] Wist wel what he had done Line 13473

Line 13473 Þei folwed him fasting dayes þre Line 13474 Of hem had ihesus greet pite He seide if þei turne hoom her wey For defaute faile wol þai whenne þei may fynde no þing to by Dede bi strete mot þei ly Line 13479 Philipp seide lord what counsaile May I ȝyue hem to availe Me þinke to do hit were not eþe who so had penies þre hundreþe Line 13483 To bie wiþ breed þei are so fele Hit were to vchone but a mossele Þo spak andreu was noon so milde He seide we haue wiþ vs a childe Þat haþ fyue loofes & fisshes two Line 13488 But what is þat wiþouten mo Oure lord seide Inowȝe is þat I wolde þe folke alle doun sat He seide we shal do ful wele Of hey þere was muchel dele Line 13493 What shulde we seie of þis sermoun Alle anoon seten hem doun Ihesus blessed þis breed wiþ grace And dud hit to be dalt in place Line 13497 He blessed als þo fisshes two And made his foisoun þerynne to go Whenne hit biforn hem was leide Alle had Inowȝe þei seide Line 13501 Þis breed & fisshe was dalt aboute Had noon defaute in þat route Wite we hit was a greet gederinge Þat ihesus fed wiþ so litil þinge Line 13505 with fisshes two & fyue loues of breed Fyue þousande fed he wiþ his reed . . . . . . . . . . [no gap in Trinity & Laud MSS.] Line 13509

Line 13509 þe lorde of blisse & of pyne wolde þei shulde no crommes tyne Line 13511 He bad geder þe relef of hepes Þerwiþ þe fulde twelue lepes Þus con he set his foisoun where he wol ȝyue his benesoun Line 13515 Alle þe folke þat þere ȝode Þonked god of her fode And seiden soþeli þis is he Þat shal his folke do saued be Line 13519 ¶ Aftir þat þis signe was done Not longe bitwene but soone Anoþer he dud ȝe shul here As telleþ vs þe gospellere Line 13523 Of a mon born was blynde And souȝte at ihesus grace to fynde Ihesus was þere he welke þe strete And wiþ þis blynde gon he mete Line 13527 His disciples asked þan Lord þei seide what haþ þis man Of his eldres don biforn Line 13530 Þat he shulde blynde be born Ihesus seide haþ not he þis Ny ȝitt his kyn don þat mys But for goddes werkes may Line 13534 In him be shewed fro þis day Mi fadir werkes mot I do Whil þat I haue day þerto For now hihoueþ þe son to spede For to do his fadir dede Line 13539 Worche he most bifore þe niȝt Whiles þe day lesteþ liȝt whil I in þis world shal be Hit haþ no liȝt but vpon me Anoon to þe erþe he spit Line 13544 And wiþ erþe he menged hit

He toke þe wafte of hem away also Line 13546 And smered boþe his eȝen two He seide to him my leue frende To natatori þou shalt wende At natatori siloe þere shul þine eȝen wasshen be Line 13551 He wesshe his eȝen þere ful riȝt And anoon he had his siȝt For þenne was he no more led [folio 84b:1] He coom aȝein in to þat sted whenne þei him say þat knew him are Fast gon þei on him stare Line 13557 Sone þei seide art þou not he Þat ȝondir day miȝtes not se Somme seide nay & somme so Somme seide anoþer in his stud is go Þe soþe hem self coude not fynde He vnswered þat had ben blynde I am he forsoþe to say Line 13564 How gat þou þi siȝt seide þai My siȝt he seide gat I þus Þer is a mon þat het Ihesus with lame he anoynt myne eyen two And bad me siþen forþ to go Line 13569 To natatori siloe And wasshe þine eyen þere seide he whenne I hadde his biddyng done Anoon I say also soone Line 13573 Where is he þei seide þon I noot he seide where he is goon þei him toke þese false iewes And lad him to þe pharisewes Þat maistris of lawe were þon Line 13578 And asked at þis heled mon How þat he had geten his siȝt He seide þus ihesus me diȝt

Somme iewes seide þat stode him by Line 13582 Of god him semeþ haue no party Þat holdeþ of haliday no state For þis was done on oure sabate Anoþer seide how euer mouȝt Suche werke of synful mon be wrouȝt þese phariseus þat euer were felle Line 13588 Whenne þei had stryuen as I telle þei groped & coude no cause fynde þenne dude þei to bringe aȝeyn þe blynde what haldestou þat mon seide þei A prophete seide he bi my fei þe maistir of iewes bigon þan Line 13594 To mistrowe of þat sely man wheþer he biforn blynde had bene þei seide alwey he had sene þe nexte men of his ospringe Line 13598 þei dud anoon bifore hem bringe Saye ȝe þe blinde born mon was he Say vs now bi ȝoure lewte How hit is þat se he may Line 13602 He is oure son þei seide in fay Wiþouten doute oure son he es And was blynde born wiþouten les How þat he siȝte haþ now we ne woot aske him how Aske him for best he wate Line 13608 ȝyue vnswere of his owne astate Þus ȝaf þese men vnswere þore Þat dred þo iewes wondir sore Þei had made þat men wel wist A statute aȝein ihesu crist If any wolde him leue or loute Line 13614 Of her synagoge shulde be put oute . . . . . . . . . . [no gap in Trinity & Laud MSS.]

ȝitt þei called þe þridde tyme Line 13618 Þis blynde & bad him þonke appoline Blesse him þei seide þat woneþ on hiȝt For þis mon is a synful wiȝt Line 13621 Of his synne seide he woot I nouȝt But to me blynde siȝt he brouȝt How made he þe. þei seide to se Telle vs how he dud wiþ þe Line 13625 Wherto shulde I telle more I haue al tolde ȝou ore Wherfore aske ȝe of him bi-dene wol ȝe his disciples bene we þe[i] seide & þo bigan Line 13630 Felounly þis mon to ban Holde þe to him þei seide caityue His wol we be neuer oure lyue Þou mot his disciple be For moises disciples are we Line 13635 þat was a mon wiþouten sake [folio 85a:1] We woot þat god with him spake Of þis mon no knowyng haue we To þo iewes þenne vnswered he wondir me þinke of ȝoure mouþ Line 13640 whi he holde him so vncouþ And seyn ȝe woot not wheþen is he Þat haþ ȝyuen my siȝt to me I woot & hit of soþ be souȝt Line 13644 A synful mon god hereþ nouȝt But he allone þat doþ his wille he holdeþ him fro dedes ille þis is þe mon þat god heres And clepeþ oþere bi his prayeres Line 13649 Ne hit I-wis was neuer herd Siþ þe bigynnyng of þe werd Blynde born mon gete siȝt Wiþouten greet grace of goddes miȝt Line 13653

Line 13653 Þenne seide þei þou caitif lorn Line 13654 In synne was alle togider born Wheþer þou wenest vs now here Of þine vnwittes for to lere With þis þei huntid him as a dogge Line 13658 Riȝt out of her synagogge Herde ȝe þis lurdan now seide þai How he wolde lere vs of oure lay Þat ebber shrewe in synne gete Line 13662 Whenne ihesus wist him haue þis hete her strif he wist lasse & more And þat þei had him wraþþed sore þerfore he þouȝte him do solace Line 13666 And more to shewe him of his grace Whenne ihesu & he were met Ful derworþely his lord he gret To him spak ihesus & bad him say Leuestou in goddes son or nay Line 13671 What is he: he seide & where To trowe in him leof me were Ihesu seide þou hast him sene And wiþ him spoken wiþouten wene Þenne seide ihesus my to comyng Line 13676 In erþe is iuggement to bring Þat þei þat not sene shulden se And þat þe seynge blynde shulde be þenne seide somme of þat semble Line 13680 Seistou þenne þat blynde be we were ȝe he seide wiþouten siȝt þenne were ȝe blynde wiþouten pliȝt But now ȝe say þat ȝe may se In synne þerfore laste are ȝe Line 13685

¶ Forþermore shal I telle ȝow Somme dedes of ihesu now As telleþ þe euangelist þat was folwynge ihesu crist Line 13689

Line 13689 Þe mount oliuete is an hille Line 13690 Þat ihesus hauntide muchel tille Þidur ȝede he ofte we sey For þere was he wont to prey On a day whenne him þouȝte gode Fro þenne to þe temple he ȝode Line 13695 For to teche & hem to lere þen men þat gladly wolden here [[MS. lere]] þese phariseus þat loued ay strif To þe chirche brouȝten a wif Line 13699 þat wiþ horedome was ouergon Her lawe wolde hir to ston Amidwarde þat temple wyde þere mony mon was þat tide Line 13703 Aboute hir heed hir heer honge Alle wondride on hir in þat þronge þenne spak oon of hem for alle Bifore ihesus he made his calle þei ȝaf hering to him vchone Line 13708 Maistir he seide þis wommone haþ broken þe bond of hir spousaile And þerwiþ taken wiþouten faile Moises wol we alle suche stone Line 13712 Wheþer þei be pore or riche of wone þou ȝyue vs now þi iuggement But þis was not her entent [folio 85b:1] For þei had sworn vchone þer tille Line 13716 þat wrecche wommon for to spille In wrong wisdome her dede þei souȝt To take him þat þei miȝt nouȝt þei þouȝte if he bidde hir stone Line 13720 Mon of mercy is he none And if he bidde lete hir go quite Wronge he doþ here & dispite To breke her lawe þei souȝt him þus Him to take good Ihesus Line 13725

Line 13725 ¶ whenne þei þus on Iesus souȝt Wel wiste he what þei þouȝt Line 13727 He stouped doun & wiþ his honde He wroot a while in þe sonde Alle þei cryed þat þere was Line 13730 ȝyue vs þi doom & lete vs pas Ful longe we dwelle now seide þai Who warneþ ȝou to wende ȝoure wai But who so is wiþouten last Line 13734 At hir þe furst stoon he cast hir stonyng may he wel bigynne þe mon þat is wiþouten synne þo louted he doun anoþer siþe Line 13738 Alle wex þei doumbe also swiþe Wiste þei neuer what to sey Vchone for shame stale awey In þe temple lafte none Line 13742 But ihesu crist & þat wommone Ihesu liftud vp his heued And say noon in þe tempul leued Bihelde þat wommon stondynge þare Þat caitif carked al wiþ care Line 13747 Wommon he seide where beþ bicomen Þine enemyes þat þe had nomen Quakyng she loked hir aboute Line 13750 And ihesus bad hir haue no doute Lord she seide þei are awey Þerfore wommon to þe I sey Go now forþ my leue frende Line 13754 For þou hast leue now to wende I dampne þe not þi synne fore But go & synne þou no more He seide not only no more þou synne But loke þi wille be not þerynne

¶ A watir is þere in þat þede þat þei calle piscine in her lede

Þis ilke watir stori sayes Line 13762 was muche honoured in þo dayes As hit were a good ryuere Þerby lay mony vnfere Þerynne were wont to descende Line 13766 Aungels þat from heuen wende Þat tyme bifel hit so þer Whenne þe watir droued wer Þe furst seke mon þat miȝt wyn To þat welle to wasshe him In Line 13771 Of what sekenes so was on him He shulde be heled vche a lym Ihesus þo was þere walkonde Line 13774 And coom þer by mychel folk he fonde Þat were þere liggyng for to abide Whenne her hele shulde bi-tyde Þere fond ihesus a mon vnfere Line 13778 And had ben eiȝte & þritty ȝere His lymmes had he so forgone Þat of hem weldyng had he none Ihesu bihelde þis caitif þore Line 13782 And of him rewed selcouþe sore He seide gode mon with me þou mele Desires þou to haue þin hele Line 13785 ȝe sir he seide no þing so glad For so in sekenes am I-lad Þat I ne may to þat watir wynne Line 13788 For oþere goon bifore me Inne Nor no mon wol soþ to telle Bere me in to þe welle Longe haue I led in langur lif Is noon wol rewe on me caitif Line 13793 Now good mon I þe trewly say Þou shal be hool fro þis day Rise & lye no lenger þere [folio 86a:1] Do þe to go wiþ al þi gere Line 13797

Line 13797 Vp he roos hool wiþouten care Line 13798 And on his bak his bed he bare Þat day þat he was made so fere Þe iewes helde holy & dere Line 13801 whenne þei him sey þat burþen vndir Fast gon þei on him wondir What cursed mon is þis seide þay Worchyng aȝeyn god & his lay hit semeþ he haþ of god no drede And seiden him to mony fel dede Line 13807 þou churle whi brekestou oure lawe Þi bed shuldestou nouþer bere ny drawe Bere þi burþen aȝeyn in hiȝe Line 13810 Waried be þou of almiȝtie Gode men he seide for goddes miȝt Whi wite ȝe me wiþouten pliȝt A blessed mon ȝaf hele to me Line 13814 At þe welle of siloe Whenne he had made me hool & fere Ris vp he seide wiþ þi litere Do þe soone hennes to go Line 13818 And as he bad þenne dud I so Eiȝte & þritty ȝeer in bonde Haue I not welden foot ny honde Þe aungels liȝtyng þere bood I Line 13822 Til he me heled sikurly He þat me þis hele haþ wrouȝt wiþstonde his bidding ow I nouȝt Þei let him passe fro hem to telle And spak to gider þo iewes felle Þis mon is not with god seide þay Þat brekeþ þus þe hali day Line 13829 Þe lif þat he ledeþ in dede Hit is aȝeyn oure lede He hateþ oure counseles so dere And of oure lawe wol he not lere Line 13833

Line 13833 Oure hali dayes halt he not soþ Line 13834 But mony dedes on hem doþ þo dedes to vs be not faire Oure lawes alle þei appaire . . . . . . . . . . . . . . . Line 13840 . . . . . [no gap in the MS.] He doþ vs mony gederynge make And muchel to þenke for his sake þat we may suffer hit no more Line 13844 we mot counsel now þerfore Þat he be taken & done in bondes who so furst on him may laye hondes And who þis counsel holdeþ nouȝt Þat hit be dere vp on him bouȝt Wiþ þis þei parted her semble Line 13850 But ihesus went of þat cite And toke him to anoþer syde Out of her siȝt him to hide Line 13853 For ȝitt was not his tyme comen To be of her hondes nomen Miȝte þei neuer take him so Til him self wolde hit were do Line 13857 Whenne tyme coom forþ he him bed And not a fote fro him fled Til he had shed his swete blode And ȝyuen him self for oure gode Ihesus went to temple þon Line 13862 þere spake he wiþ þis heled mon . . . . . . . . . . [no gap in the MS.] He say him al mournyng bi-tid Line 13866 For iewes so had him chid he esed him wiþ wordes hende Fro now he seide þou most frende

Tente to my tale & my techynge Line 13870 For of sekenes hastou helynge

¶ Ihesus went forþ here & þere And dud myracles euery where Til hit coom to a solempnite Line 13874 He coom aȝeyn in to þat cite wiþ him coom his disciples lele And oþere folke folewynge fele Line 13877 Into þe temple wiþ him þei ȝede And he bigan hem for to rede To preche to hem & sarmoun And tolde hem mony good resoun Alle bigan þei þus to telle [folio 86b:1] Line 13882 who herde euer þus mon spelle Mon vnlered of boke lore Alle wondride on him lasse & more Ihesus þat her talkynge herde Swetely he hem vnswerde Line 13887 My lore is not myn seide he But his þat hit haþ ȝyuen to me Þat neuer endeþ ne neuer shal Line 13890 For witt & trouþe he is al He & his lore wol laste for ay Þis wol him self witenes & say Þe mon þat spekeþ of him self ros wite ȝe gode men what he dos Line 13895 whenne he his owne preysing haþ souȝt Þenne is his mouþ soþfaste nouȝt But soþfastenes is in him þon Line 13898 Þat seiþ loue worde of oþere mon ¶ Moises ȝoure lawe ȝou brouȝt ȝe knowe hit but ȝe holde hit nouȝt Line 13901 Selcouþe I haue ȝe hate me so And gultles seke ȝe me to slo Þenne seide þe iewes wondir here we Þou mis seist þe deuel is in þe Line 13905

Line 13905 who wol þe sle why seistou wrong He seide I haue don ȝou among Werkes suche as ȝe haue sene Line 13908 Þat ȝe on wondride ofte for tene ȝaf ȝou not to moyses þe olde Lawe of circumcisioun to holde And ȝe circumcise on haliday Line 13912 And not ȝe letten for þe lay wherfore hate ȝe me þon For I made hool a seke mon Vpon þe day of ȝoure sabate Line 13916 But demeþ me not in my state . . . . . . . . . . [no gap in the MS.] So shulde ȝe do wolde ȝe me trow And wel I woot hit were for ȝow Line 13921 Mony folke were by & stoode And herde þis folke so wroþe & wode Þat were comen in to þat toun Line 13924 And herde al her disputesoun Mony wordes þei spake & felle Þat longe were here to telle Summe seide whenne crist shal him showe Line 13928 Whenne he shal com shal noon knowe Ny of what kyn ny of whiche cuntre But þis monnes kyn wel knowe we Of þis lond boþe is he & his Þe cuntre woot þat sooþ hit is Þenne seide ihesu a word or two Line 13934 ȝe woot what I am my kyn also Of ȝoure foly why ne wole ȝe blynne And seke not sakles so wiþ synne Bereþ skil & holdeþ resoun Siþ ȝe knowe me & my nacioun Line 13939

Line 13939 . . . . . . . . . . [no gap in Trinity & Laud MSS.] Line 13941 For he þat me among ȝou sende Is soþfastenes wiþouten ende He þat me sende I woot what he is But ȝe knowe him not I-wis If I seide þat I not him knew Line 13946 Þennne were I. liere & vntrew Boþe were I fals & lyere how Riȝt suche as ȝe are now I knowe him & haue done euer Fro him shal I sundre neuer Line 13951

Þo souȝte þei ihesus to slone But honde myȝte þei laye on him none For þei wolde him haue nomen But his tyme was not comen Mony fro þat trowed trew Line 13956 In þe werkes of good Ihesu And fro þat day wiþouten faile Þe iewes wiþ her fals counsaile Bi her tresoun & her reede Souȝte ihesu to do to dede Line 13961

Now shul ȝe here on what wise Ihesu dud lazar to rise But ar þat we furþer go Line 13964 Speke we of his sistres two

Þe toon was martha to seyn [folio 87a:1] And þat oþere Maudeleyn Þis lazar as seiþ oure story Line 13968 was of a stude het bethany Þese þen were his sistres twynne Þe ton a wommon ful of synne A wondir synful was she one Line 13972 And furste was she comyn wommone Of þis wommon þe muchel feirhede Made mony mon of witt to wede Line 13975

Line 13975 Seuen fendes oute of hir caste he Line 13976 As telleþ luke þe euangele A sely synful was she þis For al hir synne turned in to blis She was lyuynge in cuntre þere Line 13980 Whenne ihesus preched vche where And mony a pert myracle did Wher wiþ to men he him kid And mony seke he ȝaf her hele And as he coom bi o castele Line 13985 A mon þat hett symond leprous To ete preyed him to his hous Ihesus grauntide his preyere Line 13988 For he him preyed wiþ good chere Feire seruyse symond him diȝt As was to suche a lord riȝt

¶ whenne ihesus was sett in his sete Line 13992 wiþ his disciples at þe mete Þis synful wommon þat we of seyn þat we calle Mary maudeleyn wiþynne þe castel þat I of tolde Line 13996 She myȝte do what she wolde Þe mon þat god wol be bett We wite wel may no þing lett Þe worde of ihesus sprong ful wyde Line 14000 Of myracles þat he dud þat tyde Whenne Mary wiste ihesus was comen A boiste of oynement haþ she nomen A þing þat was of pris ful dere Þis oynement wiþ hir she bere And my tale shortly to telle Line 14006 Bifore ihesus feet she felle Þere she fel in suche a grete Þat wiþ þe teres she wesshe his fete On him she weped hir synnes sare And dryed hem wiþ hir here þare

where she fonde chyn or soore Line 14012 Wiþ oynement she anoynt þore Al þis worshipe she him did And also cussed his feet amyd Alle wondride on hir & had ferly Line 14016 Þei say hir neuer so sory Þat dede lafte she not for shome Symond maistir of þat home Wondride & seide in his þouȝt Line 14020 But wiþ mouþ he spake hit nouȝt Were þis mon prophete so good Þis wepynge wommon on him wood He auȝte to witen what she were Line 14024 And lete hir touche him not so nere For synful wommon is she þis þat al þis cuntre woot I wis

Ihesu crist þo vnswerde Line 14028 What symond þouȝte wel he herde He seide herken to me a stounde Gladly Meistir seide symounde In cuntre som tyme was a man þat lante penyes of þat he wan Line 14033 þis man he was an okerere Two men coom þat hadden mistere And asked him penyes to lone Line 14036 þis riche man lent to þat one An hundride pens suche as ran And fifty to þat oþere man Whenne hit coom to her day Line 14040 Þei hadde not wher of to pay And he hem say no catel haue Al þat dette he hem forȝaue Line 14043 Hem he forȝaf & bad hem go Wheþer owed to loue him bettur þo Sir me þinke wiþouten let [folio 87b:1] Line 14046 Þe mon þat he forȝaf moost det

To whom he forȝaf moost tille Line 14048 Owe moost to loue him bi skille He seide we ben vnswered symeoun Þenne demestou bi riȝt resoun Alwey she wepte on his fete Line 14052 And ihesu þo bihelde hir lete And to symond he seide anone Sestou þis ilke wommone To my feet watir ȝaf þou none me Line 14056 To wasshe haþ she greet plente þou woost þat is sooþ I-wis ȝitt bed þou me not for to kis Siþ I coom in to þin In Line 14060 To kus my feet con she not blyn Oynement ȝaf þou me nouȝt She haþ hiren to me brouȝt She haþ anoynt me foot & shanke Wherfore I con hir mychel þanke Line 14065 And for she loueþ me out of biker Of my loue she may be siker Of hir synnes is she clene þei are forȝyuen alle bi-dene Line 14069 He seide muchel hastou loued marye Muche is forȝyuen þe þi folye Go in pees þi muchel treuþe Line 14072 Haþ þe saued & þi reuþe Now art þou saued þourȝe þi fay I shal be þi kepere fro þis day

Ihesus aftir warde in hy Line 14076 Coom prechyng in to betany ȝyuynge mony seke her hele Þe folke him folewed was ful fele Line 14079 Martha & maryes broþer he fond Laȝar þere he was wonond He gestened wiþ þo sistres two Marie and martha also Line 14083

Line 14083 Whenne þei wiste he wolde dwelle Of her ioye myȝte no mon telle Line 14085 No wondir was for suche a gest Coom neuer eer wiþ hem to rest Martha was hosewif sikerly Aboute her seruyse ful bisy Line 14089 Marye alone Martha lete And sett hir tofore ihesu fete Bifore his feete she set hir doun For to here his sermoun Line 14093 Nouþer she tent to mete ny bord But for to here goddes word Martha say she not helpe wolde A pitous pleynt to crist she tolde Sir she seide recche ȝe not how I am lafte one to serue ȝow Line 14099 My sister sitteþ as ȝe may se And leueþ al þe swynke on me Bidde hir sir þat she rise Line 14102 And helpe me now in ȝoure seruyse Martha martha seide ihesu þis In muchel bisynes þou is Bisy art þou aboute mony dede Line 14106 But of oon is moost nede Þe bettur party haþ mary chosen Þat neuer may be fro hir losen Blessed was þat afflictioun Line 14110 Þat mary brouȝte to suche pardoun Alle oþere þinge she forsoke Saue to one she hir toke Of alle þinges she toke to one Line 14114 Wiþouten whom is godenes none . . . . . . . . . . [no gap in the MS.] Of godenes no mon con telle þe tendes Þat þis lorde doþ to his frendes

For is noon þat in herte may þinke Ny clerke write nouþer wiþ ynke Nor eȝe may se ny herte lere No monnes witt may hit com nere How mychel mede to vs is diȝt Line 14124 If we wol serue þat lord riȝt Leue we now þese sistres þus For to speke of lazarus

¶ Þis lazarus of bethany [folio 88a:1] Line 14128 had sistres martha & mary Muche loued he his sistres boþe Souȝte he neuer noon wiþ loþe A castel was his & þeires Aftir her eldres þerof heires Line 14133 To þis castel was ihesus calde To herborwe as bifore I talde Soþ hit is þis lazarus Line 14136 was seke þe story telleþ vs In his sekenes he lenged so þat he had no fote to go Line 14139 Mary & martha were sory For his sekenes & oþer mony His sistres serued him to honde Þat bounden lay in goddes bonde Line 14143 But to him þat so was bounden Fer þei souȝte & noon founden Longe þei souȝte & fonde no bote þat sekenes crepte to heed & fote Whenne þei say hit was noon oþere Line 14148 State of couerynge of her broþere Counsel þei toke to ihesu to go For her broþere ful of woo Of her broþere þei wolde him say Line 14152 Þat he wel loued in langure lay And preye him if his wille were Com se lazar þat was vnfere Line 14155

Line 14155 Ful wel leued þei þat he Miȝte make him hool to be þei sende sondes ouer al Iude And fonde him not in þat cuntre . . . . . . . . . . [no gap in the MS.] And wite ȝe wel for þis resoun Line 14162 Men souȝte to sle him wiþ tresoun For þei him fonde not in þat londe Þei fined not til þei him fonde Þo messangeres hendely seide Line 14166 Þe eronde þat was on hem leide Þei preyed him as lord dere For his frende þat was vnfere Line 14169 Trauaile to him þat he wolde make For him & his frendes sake He liþ to deȝe þat lele & trewe Line 14172 Lord þei seide on him þou rewe To þo men þat bodeword bare Ihesu ȝaf him þis vnsware He seide go aȝeyn ȝoure wey Line 14176 To hem ȝou sende shal ȝe sey Þat þei not for her broþere mourne To deþ shal not his langure tourne But my blis shal bi him be sene Line 14180 Furþer þen hit ȝitt haþ bene Aȝeyn þei went wiþ her vnswere Two dayes oure lord dwelled þere Line 14183 Þenne dud he his disciples calle Make ȝou redy he seide alle Vnto Iude goþ wiþ me now Line 14186 þei seide sir what þenkestou Wasþou not but litil gone Almest þere wiþ iewes slone Counsel is hit noon of frende Line 14190 Þat ȝe þiderwarde sir wende

Ihesus seide whi saye ȝe so Ten tides haþ þe day & two Who so haþ to wende any way Line 14194 Good is he go bi liȝt of day For who so walkeþ bi nyȝter tale Of disese he fyndeþ bale To þat I saye takeþ good kepe Lazar oure frend is leide to slepe To him to wende hit is tyme Line 14200 For to wake him of his swyme I haue him loued wel ofte siþe Now is tyme I sum him kiþe Sir þei seide if he slepe ouȝt Doute of deeþ ȝit is hit nouȝt If he may slepe hele is at honde Ihesus þo seide ȝe mys vndirstonde Line 14207 For ȝe shal not longe tille Tiþinge here to like ille He is deed þat I of say [folio 88b:1] Now is goon þe ferþe day Deed & doluen boþe is he Line 14212 He is not quyke þat shul ȝe se Now am I boþe glad & bliþe Þat I was not wiþ hem þat siþe Now am I aftir sende þiderwarde wol I wende Line 14217 ¶ whenne Thomas þat hette didimus Herde þat dede was lazarus As ihesus hadde tolde þore He seide þus & siked sore To his felowes seide he Line 14222 Lordyngis he seide now here ȝee Lazarus is not in lyue Go we deȝe wiþ him blyue Me lust no lenger lyue in place But ihesu helpe of his grace Line 14227

Line 14227 We shul haue mys sikerly Line 14228 Of oure good frend of bethany Bitwene Ierusalem & þis castel Þat ȝe herde me bifore of spel Þere marye woned magdalene Were of myles ful fiftene Line 14233 Þere lazarus was doluen & ded Ihesus coom soone to þat stede Lazar was an heȝe boren mon His kyn was ȝitt aboute him þon At þat castel his frendes bade Line 14238 And mychel mournyng for him made Mary & martha þe story sayes Had ben wepynge þo foure dayes Þere were fele hem to rewe Line 14242 And also mony vnbeden iewe Þider coom boþe oon and oþere To coumforte mary for hir broþere ¶ Bi þis coom hem tiþonde Line 14246 Þat ihesus comyng was neȝe honde Þat he was comen as þei bad Wiþ felowshepe þat he lad was neuer eer martha so fayn Line 14250 Þenne went she wepyng him aȝayn To fete she fel him sorwefuly And rewly on him gon to cry lord she seide what to rede Now is my broþer fro me dede Line 14255 Allas haddestou here wiþ vs bene He had not ben dede I wene For what þing þou makest preyere I woot þat god wol þe here Line 14259 ¶ Be stille he seide þi broþer shal rise I woot wel she seide in som wise On domes day wel woot I whenne He shal rise wiþ oþere men Line 14263

Line 14263 Ihesus seide I am vpriste & lif Who so leueþ in me mon or wif Line 14265 Þouȝe þei were dede ȝitt shul þei lyue Suche ȝiftis may I hem ȝyue And alle þat lyuen & trowen me Deed shul þei neuer be Line 14269 Trowestou þis she seide ȝee þo I trowe þis & more also Þat þou art goddes owne sone Comen among vs for to wone Line 14273 Martha sorweful & sory Tolde to hir sister mary And in hir ere gon she rowne Line 14276 And seide crist is comen to towne Do þe to speke wiþ him anoon Vp roos mary stille as stoon Line 14279 Towarde hir maistir ran she fast Men wende she hadde ben a gast Whenne men say hir þat bi stood Rennonde as she were wood Witeþ hit of mony mon Line 14284 Þe teres bi hir chekes ron To hir broþer graue she gas þere for to swowne þei seide alas But Mary was in oþere entent Line 14288 Wiþ hir lord to speke she went . . . . . . . . . . [no gap in Trinity & Laud MSS.] Line 14291 To him she ran on knees she fel [folio 89a:1] Lord she seide I wol þe tel My broþer lazer þi frend is deed And þat is to me a colde reed Line 14295 hadestou lord ben þere wiþ vs Had not my broþer deȝed þus Ihesus bihelde hir a sterte Line 14298 And had greet reuþe at his hert

Lazares frendes þat þere were Line 14300 Cryed & made reuþeful chere Ihesus to mary in hir wo Muchel loue shewed he þo Line 14303 Whenne he wolde of his misfare A party on him self he bare He wepte sorer þen any oþere Wiþ þo two sistres for her broþere Tenderly he wepte & seide Line 14308 Where haue ȝe his body leide Sir seide Marye com and se Ful muchel lord loued he þe Line 14311 Lord of selcouþes so sleȝe þi louer þus why letestou deȝe Ihesus he weyment vndirstode Wiþ hem to þat graue he ȝode Line 14315 Whenne he þere coom also soone He bad þe graue to ben vndone Of þe toumbe take of þe lid Line 14318 Soone his commaundement þei did Martha seide lord I trow wormes bigynne to ete him now Line 14321 He stynkeþ for þre dayes is gone Þat he was leide vndir stone Ihesus seide Martha dowey Hit is no witt I here þe sey Line 14325 Forȝeten hastou soone þi lore þat I þe tauȝte a litil to fore If þou wolt leue I seide þe Soone shuldestou selcouþe se Line 14329 Wherof shal greet loue word bene Þe folke to gider gedered to sene Þe graue lid awey þei kist And ihesus loked into þe chest Line 14333 To his fadir he made a bone And he him herde also soone

Honoured be þou fadir ofte Wiþ þine aungels vp on lofte Line 14337 Þi son þe þonkeþ þou doun hast sende Of þe holy goost is kende Fadir I woot I am of þe And oon are we alle þre Line 14341 Flesshe haue I take among myne owen And ȝitt am I not wiþ hem knowen I wol alle wite for what resoun Line 14344 þat þou hast sende me hidur doun Þourȝe me þi myȝtes to be spred Wherfore I am loued & dred Line 14347 I wol þat alle witen þat here ben stad Lazar wiþ þat com forþ he bad On lazar he ȝaf suche a cry Þat alle herde þat stood him by At his biddyng he roos a none Line 14352 He þat liggynge was in stone In wyndyng clooþ as he was wounden Heed & feet boþe bounden Louse him now he seide for-why I woot he lyueþ witterly Line 14357 þe folke seide þat stood amydde Muchel trouþe hastou him kidde Fro þat day forþ for mychel wele þere folewed ihesu folke ful fele Line 14361

¶ Soone ouer al þis tiþing ras þat lazar þus areysed was I trowe hit were furþer rif Þen was bifore of his lif Line 14365 Þe signes þat ȝe haue herde in fere ȝe owe lordynges hertly to here Suche oþere herde ȝe neuer I wene For who shulde suche wondres sene Line 14369 Make crupeles goo & blynde haue siȝt . . . . .

. . . . . . . . . . . . . . . [no gap in the MS.] Who so loueþ him not is malediȝt Line 14375 And namely þat were þere nere [folio 89a:1] whenne he vp roos sir lazere Þese iewes þat ben felle & fals Þei owe him worshepe & mekenes als As he þat born was of her kyn Line 14380 And moost coom he hem to wyn . . . . . . . . . . [no gap in the MS.]