[How the light of heaven shone on Jesus asleep.]
¶ whenne Ioseph was wont to wende
To gestenyng wiþ any frende
His sones went wiþ him boun
Iame Ioseph Iude & symeoun
Line 12546
With him went als his douȝtres two
Marye wiþ ihesus coom also
And wiþ hir mary cleophe
Þat oon was of þo sistres þre
Line 12550
Two sistres had oure lady we fynde
As we shul aftir make mynde
whenne þis meyne was gedered samen
Alle hem wantud goostly gamen
Til ihesu was comen in place
To ȝiue him blessyng of his face
Ar he wiþ hem were set in sete
wolde þei nouþer drynke nor ete
Line 12558