Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...

[Jesus restores to life a Burgess of Capernaum.]

¶ Þenne flitted þei to a toun Þat called was capharnaoun Þere woned Ioseph & marie Line 12489 For to fle þe iewes enuye A Burgeis woned in þat cite þat Ioseph hett was riche of fe Line 12492

Line 12492 he had ben seke mony a day And deed þo in his bed he lay Whenne ihesu herde þat woful chere In þat cite so muchel bere Line 12496 He had þerof ful greet pite And þus to Ioseph mened he wherfore Ioseph seide ihesu now To þis mon þat hett as þow Line 12500 Ne dostou grace nor bounte none What bounte he seide haue I in wone Ihesu seide þou hast ful gode Take & bere to him þi hode On his face þou hit lay Line 12505 And þerwiþ þus to him say Ihesu he shal saue þe And soone shal he saued be Ioseph took þis commaundement And to þe dede cors he went Line 12510 his hood he leide on his face And ihesu sent him soone his grace Vnneþes had he hit on leide And þo forseide wordis seide Line 12514 whenne þat cors boun to bere Roos vp al hool & fere