Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...

[How Jesus brought a dead Child to Life.]

¶ Þenne went ioseph & marie boun wiþ ihesu to anoþer toun Alle þat meyne mylde & meþ Line 12271 went hem in to nazareth In þat toun marye was Whenne þe aungel brouȝte hir gras Ihesu went him forþ to play Line 12275 wiþ childre on an haly day In a soler was in þat toun A childe cast anoþer doun Out of þat lofte he fel to grounde Line 12279 So þat he deȝed in a stounde his frendes herde þis in hiȝe þei ron to Ioseph & to marie Loude on hem gon þei calle Line 12283 Wherfore haue ȝe leten þis falle ȝoure son haþ oures felde wiþ strif And felounly brouȝte him of lif þus þei seide on him her wille Ihesus [[MS. Ihc]] awey helde him stille Line 12288 þat noon vnswere ȝyue wolde he Til mary & Ioseph were þere fre Mary seide son me say wheþer put þou þis childe or nay He seide nouþer euel ny gode Line 12293 But doun of þat soler he ȝode Til he com þere þat licam lay þus to him dud he say Line 12296

Line 12296 Zeno he seide how farestow Wel he seide fare I now Line 12298 If I putte þe soþ þou say he vnswered lord nay þe childes frendes fro þat houre helde ihesu worþe honoure