Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...

How the tree bowed to Jesus.

¶ Iesu [[MS. Ihū]] sat on his modir kne Wiþ a bliþe cheer seide he Bowe þe doun anoon þou tre Line 11683 Of þi fruyt ȝyue vs plente Vnneþe had he said þat sowne þat þe tre ne bowed downe Riȝt to Mary his modir fote þe crop neȝe euen wiþ þe rote Line 11688 whenne alle had eten fruyt I-now Hit bowed stille vche abow Til he commaundid hit to rise þat dud hit bowe to his seruyse Line 11692 To þat tre he spake wiþ miȝt Rise vp he seide þat þou þe riȝt þou shalt fro now forþward Be plantyd in myn orchard Line 11696 Among þe trees in paradis þat þou & þei ben of o pris Vndir þi rote þer is a sprynge I wol þat out þe watir wrynge Line 11700 To be wellyng for my sake Þat we may plente of watir take Anoon þe tre stirte vp stidefaste Vndir þe rote a welle out braste Line 11704

Line 11704 wiþ stremes clere fresshe & colde Alle to drinke ynowȝe þat wolde Mon & beest in þat place Line 11707 Vchone þonked god of his grace