Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...

[A Prayer to Our Lady.]

Mony soule lady is comen þe to And calleþ at þe ȝate vndo Line 10096 Knockyng hit fyneþ not to cry Lady swete þou haue mercy Vndo vndo lady þin ore To þi caitif bi set ful sore Line 10100 Wiþoute þi castel I am biset harde wiþ þre fomen þret þis world my flesshe þe fend als þat fylen men wiþ fondyng fals Line 10104 To make me falle in fulþes fele Al aȝeyn my soule hele A greet gederyng helde þei to gider þe fende formast he coom þider Line 10108 wiþ þre folies bi his syde þo were slouþe enuye & pride

þe world haþ two to his seruyse þat is auarise & couetise Line 10112 þe flesshe haþ redy him by [folio 63b:1] Lecchery and gloteny þourȝe þese am I doun dryuen And as a wrecche al to ryuen Line 10116 I drede me sore longe to ly But if þi grace helpe lady þat on þe trust be wont to couer Do me to passe þese diches ouer þere þe castel stondeþ stabul Line 10121 And charite is so couenabul