Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...

The Fifth Age of the World. The Family of the Virgin Mary.

Blessed be she þat vs haþ sped þat we þe eldes foure haue red To reherse þat lady kynne þe fifte elde we wol bigynne Line 9232 ¶ Ieconias ȝe herde me mone Salatiel he had to sone And of þis ilke salatiel Coom his son ȝorobabel Line 9236 ¶ Abyuth ȝitt coom of him Of abyuth eliachim Of him aȝor of him Sadoch þus was þe ton þe toþeres stok Line 9240 Sadoch þenne Achim gat Achim eliuth not forȝat Of eliuth coom eliaȝare þat leuy als to name bare Line 9244 þis leui hadde sones two Mathan & pantra also Mathan gat Iacob in pleye Iacob Ioseph soþ to seye Line 9248 Of þat syde is to telle no mo Of pantra coom pantera þo Of parpantera coom Ioachim Oure lady mary coom of him Ioseph & she may we se Line 9253 were but at þe þridde & ferþe kne þis maiden þat lorde bare þat lesed al þe world of care þus was þe fruyt þat brouȝte once bote Of þat tre þat adam was rote Line 9258 who so wol se fro adam þe olde how mony knees to crist are tolde

Fynde wiþouten doute he shal Sixti olde generaciouns al And neiþer tolde he ne he þus may þe genealogy be Line 9264