Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...

[The Battle with Amalek.]

¶ In þis tyme þat I of speke Was a lordynge het amalec Line 6404 þat on hem fauȝte & þei on him In a stude het rapidym Moises calde sir Iosue Line 6407 And made him maistir of þat semble he seide chese þe men & diȝt wiþ sir Amalec to fiȝt And I shal on þat hil stonde Line 6411 And goddes ȝerde holde in honde To þis fiȝte þei went anoon Moises þo and aaron þei went vpon þat hille In hope al one of goddis wille Line 6416

Line 6416 whil Moises helde vp his hende wel was hit in þat bataile kende Euer þat while witturly had goddes folke þe victory Line 6420 And if he slaked hem any siþe Amalec won also swiþe So longe he helde hem vp wiþ þis Line 6423 þat slake hem most he maugre his Of werynes was no wondir þei gedered stones & leide him vndir Euer helde he vp and aaron his hondes til þe fiȝte was don Line 6428 vndir eiþer hond was oon þat helde him stille as any stoon Bi þe sonne was at doun helde wiþ israel was lafte þe felde Line 6432 ¶ Ietro þe preest of Madian þat was Moyses kynnesman Whenne he herde how þei had don Bitwene israel & pharaon Line 6436 To speke wiþ Moises he cam Brouȝte him his wif sephoram wiþ two sones she bi him ber Gersan and heliaser Line 6440 þis ille folk was wantoun to fonde þat moyses hadde vndir honde þei dud him wondir greet trauail Til Ietro ȝaf him counsail Line 6444 Vndir bailies to set hem þen [folio 41a:1] In riȝt for to kepe hem Of mony wronges þat þere were Line 6447 Of whiche men greet charge bere But þat þat fel to goostlynes Shul be tauȝte bi trewe moyses