Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...

[Of Antechrist.]

Þat anticrist of danes sede Line 21975 Som þing of him is to rede He þat is so ful of goddes grame whi he shal haue suche a name Anticrist he called is Line 21979 For aȝeyn crist shal he be I wis Aȝein crist hit is to say Aȝein his werke shal he werray Crist coom meke in his tide Line 21983 He shal com brem al in pride Crist coom to do þe lawe to rise [folio 131a:1] And synful to make riȝtwise He shal com þe meke to felle Line 21987 And synful reise seiþ þe spelle Alle godenesses wiþ his mayn He shal werre hem aȝayn Þe gospel & al holy writt Line 21991 He shal for do wo worþe his wit He shal do reise al maumetry And clepe him self god al myȝty Þis anticrist haþ hade ful fele Line 21995 Þat to his seruyse han ben lele Al antioche & domiciane eke And now þer is ful mony seke what maner mon so euer hit es Out of þe rule of riȝtwisnes Line 22000 Ouþer lewed or religioun Clerke monke ouþer chanoun And werren on þat þei shulden were Of anticrist þe name þei bere Line 22004