Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...

[Our Lord's Life after he had risen.]

Þat kyng þo he was risen to lif Shewed him to his disciples rif Coom & ȝode ofte hem among Line 18663 And also eet wiþ hem & dronk wiþ hem he dwelt fourti dayes And preched as þe story sayes Line 18666 Of heuen blis þat is so hyȝe And whenne his wille was vp to stiȝe To geder alle his to gider he bad Soone þei were to gider lad Line 18670

Line 18670 Ihesus kud him to hem new Line 18671 To wite if þei in trouþe were trew Her mys bileue for to mys preise And out of wanhope hem to reise Line 18674 For somme were of þat gederyng Þat leued not ȝit his vp risyng But her mys trouþe soþ to say Is strengþing of oure trouþe to day Greet sikurnes to vs hit was Line 18679 Þe mys trowyng of seynt Thomas For he wolde trowe on no wise Oure lord ihesu shulde so rise Of his vprist he was in were Line 18683 And seide for þing þat I may here I may not leue vp risen he es Til I se & fele his flesshe Þe þurles boþe of honde & fete Line 18687 And of his syde þe wounde wete whenne I haue groped þo wiþ honde Þe soþe þenne wol I vndirstonde But ihesus þat his bale wolde bete louesumly thomas he lete Line 18692 For to grope his woundes wide And put his honde in to his side He seide thomas now fele & se wheþer I my self now be he Line 18696 Stonde studfaste now herfore And mis bileue þou no more whenne thomas þat to crist was couþe Herde þis of ihesu Mouþe Line 18700 Þou art he seide lord god myn Þat for me hast suffred pyn For þou seide crist hast hit sene Þou leuest hit wiþouten wene Line 18704 Blessed shul alle þo men be Þat hit shal leue & not se

For þenne wolde ihesu in his dedes Conferme þe treuþe to alle ledes He bad his disciplis teche Line 18709 Ouer al þe world þe gospel preche Þat is to vche creature For þei shulde in trouþe be sure Alle þat wolde leue þat tolde And bapteme receyue wolde Þei shulde be baptiȝed wiþouten boost Line 18715 In name of fadir son & holy goost And who þat wolde no bapteme take At dome þei shulde falle to wrake Þe leuer & þe baptiȝed boþe Line 18719 Shulde be saued from alle loþe Þus haþ he vs ensaumple left Þat we most nede be born eft Furst in flesshe & siþen in crist Line 18723 Of modir wombe & þenne baptist Fadir & modir vs get & bere But crist haþ vs geten here Line 18726 In þe holy goost geten vs haþ he Þerfore his soþfaste sones be we Ful wo may him be & owe Line 18729 Þat wol not suche a fadir knowe For þat is he wel we woot [folio 114b:1] þat neuer of þe appel boot Bi him we may wiþouten let Aske oure heritage of det Line 18734 Þe lawe he helde wondir wel Vnholden lafte he neuer a del Neuer was hit holden þer biforn For þat he coom to be born Line 18738 Of erþe he coom þe furst mon Þat al oure baret bigon Þe toþer coom from heuen tour Line 18741 Þat brouȝte vs sauyng & socour

Þe formast mon was flesshely wrouȝt Þat al þe world in bale brouȝt He was put out of paradis Line 18745 And his ospringe al for vnwis But ihesu oure fadir made al pleyn And gat oure heritage aȝeyn Þat liȝte in erþe fro heuen heȝe And þidur wol vs do to steȝe Line 18750 To his disciples bad þat hende Fro ierusalem þei shulde not wende But bide his fadir biheste þere As men bi him had seide ere Line 18754 Se seide þe baptist Ion I baptiȝe ȝou in watir on In hast ȝe shal wiþouten boost Be baptiȝed of þe holy goost Line 18758