Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...

Of Ioseph of aramathi: To speke now spede wol .I.

Of Ioseph whenne þe Iewes knew. Line 17289 Þat he had buried swete ihesu wroþe were þei to him & wode And al menged in her mode Þei sent sergeauntis þenne to nym Line 17293 Boþe nychodeme & him And oþere twelue þat for him spake whenne þei souȝte ihesu wiþ wrake Alle þei hem hid take ȝeme Line 17297 But forþ coom sir Nichodeme For he was ouer þo iewes þan As her prince an hy man He coom to hem wiþouten spare Line 17301 As in her synagoge þei ware ȝe men murþereres he seide so crous How dar ȝe com in goddes hous Þei seide what her In dost þow Þat so hast spoken for ihesu now Line 17306 Þi part mot euer wiþ him be Amen amen amen seide he ¶ Also Ioseph of Aramathie Coom forþ þo & asked whye Þat ȝe me wite for I wel dud Line 17311 Wiþ ihesu body þat I haue hud In a toumbe was myn owen Euel haue ȝe done wolde ȝe be knowen Of þat riȝtful þat ȝe dud honge Line 17315 And wrouȝt him muchel wo wiþ wronge At þese wordes forþ þei lep And leide hondes soone on Iosep To calle Iayleres were þei bolde Line 17319 And bad do him vp in holde Do him be kepte in prisouns astate Til hit be past oure sabate Line 17322

Line 17322 He haþ vs don despit & shame þerfore loke þat his licame Line 17324 Vndir erþe not be graue But taken wilde bestes to haue Þen seide Ioseph of aramathi Line 17327 Me þinke ȝe speke as dud goly Þat vndirtoke to stryue & fiȝt Wiþ dauid aȝeyn goddes myȝt God haþ seide gone ful longe Mi self shal suffre þe iewes wronge Pilate was þere but he was blende Whenne he wasshen had his hende He seide of þis mon trewe. & gode I wol be sakles of his blode Line 17336 And ȝe him ȝaf to vnswere lete vs & oures þe blame bere Now hit shal as I ful wene On ȝou & ȝoures be al sene Line 17340 Þei ladde Ioseph as I haue tolde To prisoun in to a strong holde Þere he of no mon shulde haue siȝt Ny no leme of dayes liȝt Line 17344 Fro mete & drinke for to fast And shutte þe dores at þe last Wiþinne & wiþoute loken so Þe lokes asseled wiþ seles two Line 17348 Þei sent aspies also aboute Þat he shulde not passen oute Aftir her sabat is to gider Alle wolde þei com þider For to loke alle wiþ o rede [folio 106a:1] Line 17353 For to do Ioseph to dede Aftir þat sabot day was gone þidur coom þei euerychone Vndud þe lokes wiþ þe key And als þe seeles dud awey Line 17358

Line 17358 But Ioseph þat þei lafte þere Was awey þei ne wiste where So ferde & mased þo stood þai Line 17361 Þat þei nuste what to say Seel & lok fast þei fond Þe kaye had þei in her hond