Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...
The Beginning of Christ's Ministry.
Ihesus þen wele wiste þis strife
quar-fore atte Iohn was done of life
to þe Iewes fulle of feloun.
til ham he made his sarmoun.
13245
fra nazareth to capharnaum.
fra neptalim to zabulum.
went he preychand in his way.
In aueril a-pon a day
was hit he be-gan to preyche
13250
& opinli þe folk to teyche.
þe synagoges alle soȝt he
ouer alle þe lande of galilee.
of his sarmoun spac many man.
13254
& mykil loue he him wanne.
¶ quen he herde tel saint Iohn was slain
to nazareth he went a-gayne.
vn-til his awen kind cuntree.
13258
in þe be-gynnyng of aueril as I. tald þe
he sarmonde þer alle a weke
& heled many atte was seke.
13261
þe cuntray hally til him soȝt. [folio 61b:1]
þaire heling groched he ham noȝt.
Page 762
leche til ham he was ful holde.
13264
nauþer he asked siluer ne golde.
