Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...

Of an Ioseph raisid be Ihesus.

Þan flitted þai in-tille a toun. [xlv.] þat men callis capharnaum. Line 12488 þere woned Ioseph & mary. for to fle þe iewes enuy. þen was þer wonande in þat wike. þat Ioseph hiȝt a buries rike. Line 12492

Line 12492 þat lay in langure many a day. Line 12493 & dede þen in his bed lay. muche was þe sorou atte þer was made in þe cite lange & brade. ihesus þer-of had grete pite. Line 12497 & þus to Ioseph him mened he. quar-for Ioseph I. pray þe to þis dedeman atte hatte as ȝe ne dos þou grace of bounte nane. for-soþ saide Ioseph I. knaw na wane ¶ I salle þe teyche saide ihesu gode þou take til him & bere þi hode. & on his heued þou sal hit lay. Line 12505 & þar-wiþ þus saltow say. ihesus criste he sal saue þe. & þar-wiþ sal he saued be. ¶ quen Ioseph herde þis comandement to þe dedeman hous he went. Line 12510 his hudde he layd opon his face & ihesus sende him son his grace vnneþis þe hud on him was laide & þe forsaide wordes saide. Line 12514 quen þat bodi a-pon þe bere. ras him vp hale & fere.