how ihesus raisid a dede childe fallin out of a loft.
Þen went Ioseph & mari boun
wiþ ihesus til a-noþer toun.
Line 12270
þat meynye was milde & meth.
þai went ham in-to nazareth.
þat is þe toun þer mari bade
quen þe angel hir bode-worde made.
¶ Ihesus went him forþ to play.
Line 12275
and oþer childer a-pon a day.
in a loft was in þat toun.
A childe keste a-noþer doun.
out of þe loft vn-to þe grounde.
Line 12279
dede he felle in litel stounde.
¶ his frendis herde þat worde in hy.
þai ran to Ioseph & to mary.
loude on ham þai con cry.
Line 12283
quy do ȝe squa quar-fore & quy.
[folio 56b:1] Lete ȝe ȝour sone wiþ enuy & strife.
our dere childe reue þe life.
alle if þai saide of him þaire wille
Ihesus helde him euer stille.
Line 12288
þat nane ansquare walde he speke.
til atte mary come and Ioseph.
¶ þen saide mary leue sone me say.
queþer þou putte þe barne or nay.
Line 12292
¶ and he saide nauþer il ne gode.
pot (sic) doun out of þis loft he ȝode.
Til he come þer þe licame lay.
and þus be-gan til him to say.
Line 12296
